Rásimnen keıin E.Álimbaev jańadan taǵaıyndalǵan elshilermen jeke kezdesý ótkizdi.
Elshi K.Robomen kezdesý qorytyndysy boıynsha taraptar Qazaqstan men Albanııa arasyndaǵy negizgi qujattar – saýda-ekonomıkalyq yntymaqtastyq, qosarlanǵan salyq salýdy boldyrmaý, quqyqtyq kómek kórsetý jáne vızasyz rejım týraly kelisimderge qol qoıý máselesin jedeldetýge ýaǵdalasty.
Elshi B.Makeldaffpen suhbat barysynda 2022 jyldyń basynda eki eldiń dıplomatııalyq qarym-qatynasynyń 30 jyldyǵy mereıtoıyna arnalǵan birqatar mádenı is-shara ótkizýge kelisti. Qazaqstannyń AIFC jáne Irlandııanyń IFSC arasyndaǵy qarjylyq yntymaqtastyq máseleleri talqylandy. Taraptar pandemııadan keıingi ózara týrızmdi damytý mańyzdylyǵyna basa nazar aýdardy.
Elshi Dj.Kvıstadpen Qazaqstan - Norvegııa qarym-qatynastaryn damytý máselelerin talqylaý aıasynda taraptar parlamentaralyq jáne mádenı dıalogty nyǵaıtý jónindegi jumysty jalǵastyrýǵa kelisti. Oslonyń Aýǵanstanǵa gýmanıtarlyq kómek kórsetýdegi mańyzdy rólin eskere otyryp, norvegııalyq tarap KazAID-pen yntymaqtastyqty jolǵa qoıýǵa, onyń ishinde QR aýmaǵynda «Gýmanıtarlyq hab» jobasyn iske asyrýǵa qyzyǵýshylyq bildirdi.
Elshi D.Grıhtıngpen kelissózder barysynda taraptar QR Prezıdenti Q.Toqaevtyń Dúnıejúzilik saýda uıymynyń 12-shi mınıstrler konferensııasy jumysyna qatysý jáne Shveısarııa Prezıdenti G.Parmelanmen kelissózder ótkizý úshin osy elge josparlanǵan saparynyń mańyzdylyǵyn rastady.
«Jalpy, suhbattastar ekijaqty qarym-qatynastardyń barlyq salalaryndaǵy yntymaqtastyqty odan ári damytýǵa múddeliligin bildirdi», dep jazady QR SIM baspasóz qyzmeti.
