«Ekologııalyq kún tártibi adamzat úshin mańyzdy bola bastady. Jahandyq jylyný men klımattyń ózgerýi endi teorııalyq másele emes, shyndyqqa aınaldy. Búginde parnıktik gazdardyń konsentrasııasy eki mıllıon jyldaǵy eń joǵary deńgeıge jetti jáne áli artyp keledi. 1990 jyldan bastap kómirqyshqyl gazy shyǵaryndylarynyń jahandyq kólemi shamamen 50%-ǵa ósti», dedi Máýlen Áshimbaev otyrysta.
Onyń aıtýynsha, sońǵy on jyl tarıhtaǵy eń jyly jyl boldy.
«Sonymen qatar, temperatýranyń 1 gradýsqa joǵarylaýy astyq ónimdiliginiń shamamen 5% nemese odan da kóp paıyzǵa tómendeýine ákeledi. Temperatýranyń kóterilýi muzdyqtardyń erýine jáne teńiz deńgeıiniń kóterilýine sebep bolyp otyr», dedi Senat spıkeri.
«Bul jaǵdaıda barlyq múddeli taraptyń, birinshi kezekte jaýapty saıasatkerlerdiń, azamattyq sektor ókilderi men rýhanı jáne dinı lıderlerdiń kúshin biriktirý mańyzdy. Jahandyq synaqtar men qaterlerge, soǵys, qarý-jaraq jarysy, ekstremızm, násilshildikke birge qarsy turyp, ǵalamshardy birge qorǵaýymyz qajet», dep túıindedi M.Áshimbaev.
