Qoǵam • 06 Qazan, 2021

Nurtileý Imanǵalıuly atyndaǵy stıpendııa ıegerleri anyqtaldy

73 ret kórsetildi

«Qazaqstan» teleradıokorporasııasy jýrnalıst, telejúrgizýshi Nurtileý Imanǵalıuly atyndaǵy stıpendııa ıegerlerin marapattady, dep jazady Egemen.kz.

Baıqaý JOO jýrnalıstıka fakýltetiniń stýdentteri arasynda eki aı kóleminde júrgizilgen. Korporasııanyń oqý granty N.Imanǵalıulynyń televızııadaǵy tulǵasy jaıly úzdik beınematerıal usynǵan úsh stýdentke tabystaldy.

Basqarma tóraıymy Lázzat Tanysbaı baıqaýdyń maqsaty – Qazaq televızııasy qalyptasa bastaǵan ýaqyttan teleefırdegi beınesimen tutas býynǵa úlgi bolǵan Nurtileý Imanǵalıulynyń esimi men shyǵarmashylyǵyn nasıhattaý, izbasarlaryna qoldaý kórsetý ekenin atap ótti.

«Oqý granty bastapqyda eki stýdentke belgilengen. Kelip túsken jumystar arasynda Nurtileý Imanǵalıulynyń shyǵarmashylyǵyn, telejúrgizýshi, tulǵa retindegi erekshelikterin ózgeshe qyrynan ashyp kórsetken stýdentter boldy. Beınematerıaldardy qarastyra otyryp, taǵy bir úmitkerdiń jumysyn úzdik dep tanyp, qosymsha grant berý týraly sheshim qabyldadyq», dedi L.Tanysbaı.

Teleradıokorporasııa qyzmetkerlerinen qurylǵan arnaıy komıssııanyń sheshimimen Almaty qalasyndaǵy Halyqaralyq aqparattyq tehnologııalar ýnıversıtetiniń 3 kýrs stýdenti Ańsaǵan Ǵalaladın, M.Áýezov atyndaǵy Ońtústik Qazaqstan ýnıversıtetiniń 2 kýrs stýdenti Qanat Joldasbekov, S.Amanjolov atyndaǵy Shyǵys Qazaqstan ýnıversıtetiniń 4 kýrs stýdenti Kúmisjan Isan Nurtileý Imanǵalıuly atyndaǵy oqý grantynyń ıegeri atandy.

«50 myń teńge kólemindegi aısaıynǵy stıpendııa stýdentterge 1 oqý jylyna tólenedi», dep habarlady arna saıty.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar