Qazaqstan • 07 Qazan, 2021

Qazaqstan ıpotekany sıfrlandyrýdan álem boıynsha kóshbasshy boldy

85 ret kórsetildi

Qazaqstan ıpotekany sıfrlandyrý boıynsha úzdik 11 eldiń reıtınginde birinshi orynǵa shyqty. Zertteýge sáıkes, Freedom Finance Bank Kazakhstan ıpotekalyq qaryz alýdy 90%-ǵa sıfrlandyrýǵa qol jetkizdi, dep jazady Egemen.kz.

Bul rette, Fınlıandııa, Ońtústik Koreıa, Shvesııa, AQSh sııaqty ozyq elderde ıpotekalyq ónimderdi sıfrlandyrý deńgeıi 30%-dan sál ǵana asady. Ulybrıtanııada-55%.

Bárin ret-retimen qarastyraıyq. BUU-nyń 2020 jylǵy zertteýinde olarda elektrondyq úkimettiń (E-Government Development Index) damý dárejesi boıynsha 193 el qaraldy. Bul ındeks ortasha arıfmetıkalyq úsh kórsetkishten turady: onlaın-qyzmetterdiń keńdigi men sapasy, telekommýnıkasııalyq ınfraqurylymnyń damý deńgeıi jáne adamı kapıtaldyń kólemi. 

Eń sıfrlanǵan memleketter reıtınginde Danııa, Ońtústik Koreıa, Estonııa, Fınlıandııa, Avstralııa, Shvesııa, Ulybrıtanııa, Jańa Zelandııa, AQSh jáne Nıderlandy kósh bastap tur. Qazaqstan 29-orynǵa jaıǵasty, bul rette TMD elderi arasynda birinshi orynǵa ıe boldy.

Ipotekalyq qaryz alý prosesin sıfrlandyrý deńgeıin túsiný úshin joǵaryda atalǵan elderde dıdjıtalızasııa boıynsha úzdik bankter zertteldi. Ipoteka alýdyń kelesi kezeńderi qaralyp synaldy: ótinim ‒ aldyn ala maquldaý ‒ turǵyn úıdi baǵalaý ‒ sheshim ‒ mámileni rásimdeý ‒ qujattarǵa qol qoıý ‒ kepildi tirkeý ‒ sol sátte berý ‒ keıingi qyzmet kórsetý. Taldaý kórsetkendeı, halyqaralyq mysaldarda onlaın prosester oflaın rejımimen biriktirilgende gıbrıdti syzba qoldanylady.

Qazaqstandyq sıfrlyq ıpotekada satyp alý-satý shartyna qol qoıý úshin notarıýspen kezdesý qajet bolǵannan basqa barlyq kezeńder sıfrlandyrylǵan. Buny Qazaqstan zańnamasyna sáıkes qashyqtan jasaýǵa bolmaıdy. Biraq sońǵy qadammen de ıpotekany rásimdeý bir kún ýaqytty alady. Qaǵaz qujattar talap etilmeıdi - júıeniń ózi olardy memlekettik qorlardan jınaıdy, jyljymaıtyn múlikti baǵalaý onlaın júrgiziledi, kepil qashyqtan tirkeledi, al elektrondyq-sıfrlyq qoltańbany osy prosess barysynda shyǵarýǵa bolady.

Jaqynda bul ónim Qazaqstan men Reseı premer-mınıstrleri Asqar Mamın men Mıhaıl Mıshýstınge usynyldy. RF-da olar osy jyldyń jeltoqsan aıynan bastap eksperımentaldyq túrde ıpoteka alýdy jedeldetýdi josparlap otyr.

Damyǵan elder men Qazaqstandaǵy ıpotekany sıfrlandyrý deńgeıi

 

Memleket

Bank

Ipotekany sıfrlandyrý deńgeıi

Sıfrlandyrylǵan kezeńderi

Qazaqstan

Freedom Finance Bank

90%

Notarıýsta satyp alý-satý shartyn rásimdeýden basqa (QR zańnamasynyń talaptary), barlyǵy onlaın ótedi

Ulybrıtanııa

Molo Finance

55%

О́tinim, aldyn ala maquldaý, turǵyn-úıdi baǵalaý, qujattarǵa qol qoıý, keıingi qyzmet kórsetý

Jańa Zelandııa

Heartland Bank

44%

О́tinim, aldyn ala maquldaý, qujattarǵa qol qoıý, keıingi qyzmet kórsetý

Estonııa

SEB BANK

44%

О́tinim, mámileni rásimdeý, qujattarǵa qol qoıý, keıingi qyzmet kórsetý

Nıderlandy

bijBouve

44%

О́tinim, aldyn ala maquldaý, qujattarǵa qol qoıý, keıingi qyzmet kórsetý

Shvesııa

SBAB Bank

33%

О́tinim, aldyn ala maquldaý, keıingi qyzmet kórsetý

Ońtústik Koreıa

K-Bank

33%

О́tinim, aldyn ala maquldaý, keıingi qyzmet kórsetý

AQSh

Better

33%

О́tinim, aldyn ala maquldaý, keıingi qyzmet kórsetý

Fınlıandııa

Nordea Bank

33%

О́tinim, qujattarǵa qol qoıý, keıingi qyzmet kórsetý

Danııa

Nykredit

22%

О́tinim, keıingi qyzmet kórsetý

Avstralııa

Commonwealth Bank

22%

О́tinim, keıingi qyzmet kórsetý

 

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar