Oqıǵa ornynda túsirilgen vıdeo áleýmettik jelide tarady. «Kapshaǵaı trassasynda jol apaty, kazıno mańy», delingen jazbada.
Almaty oblystyq Polısııa departamenti baspasóz qyzmetiniń málimetinshe, oqıǵa «Almaty-О́skemen» tasjolyndaǵy Qapshaǵaı qalasynda tirkelgen.
Aldyn ala málimetterge súıensek, 6 qazan kúni saǵat 17:00 shamasynda «Kia Cerato» kóliginiń 21 jastaǵy júrgizýshisi rýlge ıe bola almaı qalyp, aldynda kele jatqan «Gazel» kóligine soǵylǵan.
«Saldarynan 6 adam zardap shekti. Olar Qapshaǵaı qalasyndaǵy aýrýhanaǵa tústi. Zardap shekken 27 jastaǵy er adam jansaqtaý bóliminde kóz jumdy. Qazir atalǵan fakti boıynsha QR QK-niń 345-baby 3-bóligine sáıkes tergeý bastaldy», delingen vedomstvo habarlamasynda.
