«Parasat joly» ortalyǵynda ótken sharaǵa «Shymkent-adaldyq alańy» jobalyq keńsesiniń basshysy J.Qambar, kitaphana qyzmetkerleri men oqyrmandary, barlyǵy 40-qa jýyq adam qatysty.
Maqsat – jazýshynyń shyǵarmalary, qyzyqty oqıǵalary arqyly jastar arasynda parasattylyq qundylyqtaryn dáripteý bolyp tabylady.
Kezdesýde qazaq ádebıeti tarıhyndaǵy sport taqyrybyna arnalǵan tuńǵysh romannyń avtory Esqara Toqtasynuly ómir joly men shyǵarmashylyǵymen oqyrmandardy tanystyrdy.
Spıker, qazirgi jastarǵa jetistikterge jetip, barynsha bilim alýyna múmkindikterdiń kóp ekendigin aıtyp, oqyrmandardy árqashan úzdik bolyp, el damýyna úles qosatyn myqty maman bolýǵa shaqyrdy.
Adaldyq, parasattylyq qundylyqtaryna toqtalyp, ómir jolyndaǵy qyzyqty oqıǵalarymen bólisti.
Sonymen qatar «Shymkent-adaldyq alańy» jobalyq keńsesiniń basshysy J.Qambar qatysýshylardy kitaphana qabyrǵalarynan «Parasat joly» ortalyqtarynyń ashylý sebebi mádenıet, ádebıet jáne rýhanııatty negizge ala otyryp, keleli áńgimeler arqyly qoǵamda parasattylyq ıdeologııasyn qalyptastyrýǵa erekshe kóńil bólý ekendigin aıtyp, búgingi kezdesý sonyń dáleli bolyp otyrǵandyǵyn jetkizdi. Sonymen qatar kesh qonaǵyna Departament atynan alǵysyn bildirdi.
Oqyrmandar jazýshy Esqara Toqtasynulynyń áńgimelerine rızashylyqtaryn bildirip, qyzyqtyrǵan suraqtaryna jaýaptaryn aldy.
