Aımaqtar • 08 Qazan, 2021

Jol kartasynyń jobalary talqylandy

33 ret kórsetildi

Aqtóbe oblysynda jyl basynan beri Nur Otan partııasynyń saılaýaldy baǵdarlamasy boıynsha Jol kartasynyń 433 kórsetkishi júzege asqan. Bul týraly oblys ákimi Ońdasyn Orazalınniń tóraǵalyǵymen ótken partııanyń aımaqtyq fılıaly Saıası keńes bıýrosynda talqylandy.

Otyrysqa depýtattar, Saıası keńes bıý­ro­synyń jáne óńirlik qoǵamdyq keńes mú­sheleri, oblystyq departament, basqarma basshylary, qala, aýdan ákimderi qatysty. Bıýroda saılaýaldy baǵdarlamadaǵy oryn­dal­maý qaýpi nemese belgilengen merzimnen ke­­shik­tirilip tapsyrylatyn jobalar tal­qylandy.

Oblystyq ekonomıka jáne bıýdjettik jos­parlaý basqarmasynyń basshysy Gúlqa­sı­ma Súıintaevanyń habarlaýynsha, óńirde jyl basynan beri 488,1 myń sharshy metr turǵyn úı salynyp, 26 427 jańa jumys orny qurylyp, kóptegen áleýmettik nysan paı­­da­lanýǵa berildi. Onyń qatarynda 3 mektep, 4 balabaqsha, 3 sport nysany, me­dı­­sınalyq pýnkt pen ambýlatorııa, aýyl­dyq klýbtar bar. Pandemııadaǵy qıyn­shy­lyq­tarǵa qaramastan qurylys materıaldaryn óndirý zaýyty, sút óndirý jáne óńdeý sehtary, mal bordaqylaý alańdary men kókónis saqtaý qoımasy men jylyjaı iske qosyldy. Máselen, Muǵaljar aýdanynda gemodıalız ortalyǵy, jıhaz sehy, suıyq sabyn óndirý sehy, qurylys dúkenderi, dárihanalar salynyp paıdalanýǵa berildi. Shaǵyn óndiris oryndarynyń ashylýy aýdanda orta kásipkerler qatarynyń kóbeıip, salyq túsimderiniń joǵarylaýyna jol ashty.

Jol kartasyndaǵy kórsetkishterdiń oryn­dalýyn Nur Otan partııasy óńirlik fı­lıaly janyndaǵy Qoǵamdyq keńes mú­she­leri de turaqty túrde baqylap otyr. Bıyl óńirlik keńesterdiń 37 otyrysy jáne aýmaqtyq keńesterdiń 288 otyrysy ótip, qabyldanǵan sheshimder boıynsha memlekettik mekemelerge 526 usynys berildi. Qo­ǵamdyq keńes músheleri, depýtattar aýdan­darǵa shyǵyp, «Jol kartasy» aıasynda júr­gizilip jatqan nysandar qurylysyna monı­torıng júrgizýde.

– Halyqqa bergen ýádemizdi sapaly iske asyrý qatań partııalyq baqylaýda, – dedi jıynda Nur Otan partııasy oblystyq fılıa­ly tóraǵasynyń birinshi orynbasary Erbol Danaǵulov.

 Saılaýaldy baǵdarlamadaǵy aýylishilik, aýdana­ralyq jol qurylysy, sýarmaly shar­ýa­­shylyqtar qurýǵa baılanysty kemshi­lik­terge jol bergeni úshin oblystyq jolaý­shy­lar kóligi jáne avtomobıl joldary basqarmasy basshysy Aıbek Qaıyrǵa, ob­lys­tyq veterınarııa basqarmasynyń basshysy Qusaıyn Sarsembaıǵa, Baıǵanın aýdanynyń ákimi Qaırat Otarovqa partııalyq sógis jarııalandy. Oblys ákimi Ońdasyn Orazalın endigi jerde osyndaı qatelikterge jol bergen memlekettik qyzmetshilerge qatań tártiptik jaza qoldanylatyny eskertildi.

– Partııanyń bas jospary halyqqa qajetti naqty jobalardan qurylǵan. Sondyqtan da biz ın­dıkatorlardy ýaqytynda sapaly oryn­daý arqyly eldiń áleýetin kóterýge, ár­bir turǵynnyń, árbir otbasynyń turmys-tir­shiligi men ál-aýqatynyń jaqsarýyna ju­mystanýymyz qajet. Negizgi mindetimiz – saı­laýaldy ýádelerdi oryndaý jáne saılaý­shy­lardyń senimin aqtaý, – dep jıyndy qorytyndylaǵan Ońdasyn Orazalın barlyq aýdan, qala ákimderi men basshylarǵa Jol kar­tasyndaǵy jobalarǵa jaýapkershilikpen qaraýdy qatań tapsyrdy. Ásirese, áleýmettik ınfraqurylymdar qurylysyna jaýapsyz qaraǵan tulǵalardan qatań suraý bolady.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar