Qoǵam • 08 Qazan, 2021

Qalaaralyq avtobýstarda elektrondy bılet engiziledi

85 ret kórsetildi

Indýstrııa jáne ınfraqurylymdyq damý mınıstri buıryǵymen jolaýshylar men júkti tasymaldaý erejelerine ózgeris engizildi. Oǵan sáıkes, qalaaralyq avtobýstarda elektrondy bılet engiziledi, dep habarlaıdy Egemen.kz.

Elektrondy bıletti qaǵaz bılettermen qatar qoldanýǵa bolady. Buıryqta elektrondy qujatty paıdalaný tártibi de jazylǵan.

«Eger jolaýshy elektrondy jol júrý qujatyn (bılet) satyp alsa, onda avtobýsqa mingende elektrondy bılet nemese jeke basty kýálandyratyn qujatty kórsetý kerek. Jeke kýálikti sıfrlyq qujattar qyzmeti arqyly kórsetýge de bolady. Al elektrondy jol júrý qujaty bolsa, qaǵaz bılet berilmeıdi», delingen buıryqta.

Halyqaralyq, qalaaralyq jáne oblysaralyq reısterge jańa úlgidegi bıletti avtovokzal, avtostansııa, jolaýshylarǵa qyzmet kórsetý pýnktteri nemese elektrondy bılet satý júıeleri arqyly satyp alýǵa bolady. Júkti tasymaldaý aqysy da solaı tólenedi. Bılet alǵanda jeke kýáliktiń túpnusqasyn nemese sıfrlyq qujattar qyzmetindegi elektrondy nusqasyn kórsetý kerek. Avtobýsqa mingende baqylaýshylar barlyq qujatty tekseredi.

Budan bólek, buıryqta avtobýs pen taksı júrgizýshilerine qatysty ózgerister bar. Atap aıtqanda, qalaaralyq avtobýstardyń júrgizýshileri reıs aldynda jáne odan keıin medısınalyq tekseristen ótý kerek. Al onyń merzimi reıske deıin jáne reısten keıin jarty saǵattan aspaýǵa tıis. Taksı júrgizýshilerine de týra sondaı talap qoıylyp otyr.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar