Atap aıtqanda, aýdanaralyq (qalaaralyq, oblysishilik) baǵyttarda avtobýstarǵa otyrǵyzý kezinde jolaýshylar jeke kýáligin óz qalaýy boıynsha - túpnusqada nemese elektrondyq qujat túrinde (uıaly telefon arqyly) usyna alady.
Sondaı-aq avtovokzaldarda, avtostansııalarda, jolaýshylarǵa qyzmet kórsetý tirekterinde sıfrlyq jeke kýálikpen bıletter satyp alý, halyqaralyq, qalaaralyq, oblysaralyq, aýdanaralyq (oblysishilik qalaaralyq) baǵyttarda jol júrý kezinde júk alý múmkindigi kózdelgen.
Budan basqa, taksı júrgizýshileri reıs aldyndaǵy jáne reısten keıingi medısınalyq kýálandyrýdan ótý kezinde jeke kýálikti qaǵaz tasyǵyshta da, elektrondyq nysanda da paıdalana alady.
Joǵaryda atalǵan normalar QR Indýstrııa jáne ınfraqurylymdyq damý mınıstriniń buıryǵymen (2021 jylǵy 4 qazandaǵy№ 524) QR Úkimetiniń tapsyrmasy boıynsha sıfrlyq tehnologııalardy damytý jáne azamattardyń jeke kýálikteriniń túpnusqalaryn ózimen birge alyp júrý qajettiliginsiz óz quqyqtaryn iske asyrý múmkindigin keńeıtý úshin qabyldandy.
