О́ner • 11 Qazan, 2021

«Atameken» óner ordasy ashyldy

164 ret kórsetildi

Oral qalasynda «Atameken» atty óner ordasy ashyldy. Úsh qabattan turatyn, jalpy aýmaǵy 25 myń sharshy metr­den turatyn aqshańqan saraıdyń sahnasy nemis jáne fransýz akýstıkalyq hám jaryq-tehnıkalyq jabdyqtarymen jaraqtalǵan.

Qazaqstan Respýblıkasy Tá­ýel­sizdiginiń 30 jyldyǵyna tartý retinde usynylyp otyrǵan óner saraıy shyn máninde óte saltanatty, ǵajaıyp arhıtektýralyq úlgide salynǵan eken. Ǵımarat qurylysyna Qarashyǵanaq Petro­leým Opereıtıng b.v kompanııasynan oblystyń áleýmettik salasyn qoldaýǵa bólinetin 9 465 254 mln teńge jumsalǵan. Ishi-syrty ásem óńdelgen óner ordasynyń úlken kórermen zaly 926 adamǵa arnalǵan. Qajet kezinde avtonomdy elektr qýatyn qosyp, qyzmet kórsete beretin, sýret galereıasy, túrli úıirmeler shoǵyrlanǵan sándi saraıdyń aýa almastyratyn qubyrynyń ǵana uzyndyǵy 20 shaqyrymǵa jetedi eken. Urym stılindegi alyp kolonnalar, tra­vertın, granıt, mármár syndy qymbat tastarmen óńdelgen eden men qabyrǵalar erekshe áserge bóleıdi. Jyly avtoturaǵy, kórer­men­derge jáne ónerpazdarǵa ar­nal­ǵan kafesi, 50 jáne 25 adam sııa­tyn májilis zaldary, 36 adam­dyq konferens-zaly, tolyp jat­qan qyzmettik bólmeleri bar alyp ǵımaratty kúrdeli keshen dese jarasady.

– Týǵan elimizde tuǵyrymyz berik, halqymyzdyń mártebesi asqaqtap turýy úshin jańadan sa­lynǵan óner ordasyna «Ata­meken» ataýyn berdik. Bul ataý óńirdiń damýyna eńbegi sińgen zııaly qaýym ókilderiniń usynysymen qoıyldy. О́ner shańyraǵynyń Tuńǵysh Prezıdent alańynda boı kóterýiniń sımvolıkalyq máni bar. О́ıtkeni kıeli táýel­sizdigimizdi baıandy etýde Elba­symyzdyń eń­begi ushan-teńiz. Sán-saltanaty kelisken óner ordasy ultymyzdyń rýhanııa­tyna qosylǵan tamshydaı bol­sa da úlesimiz dep esepteımiz. Pre­zıdentimiz Qasym-Jomart Toqaev bıylǵy Joldaýynda «Qazirgi mindet – halqymyzdyń jańa bolmysyn qalyptastyrý, tutas ult sapa­syn arttyrý, jańarǵan ult qana jańǵyrǵan eldiń jetistigin jahan jurtyna tanystyra alady» dep atap ótti. Rýhanııatqa jum­­salǵan qarjy – bolashaqqa sa­lynǵan kirpish dep túsiný qajet. Máselen, osydan 20 jyl buryn el Táýelsizdiginiń 10 jyldyǵy­na oraı Oralda buryn-sońdy bol­maǵan sáýlettik úlgide qazaq drama teatry boı kótergen edi. Ol ónerge sýsaǵan halyqtyń shó­­lin basty, eldiń eńsesin kó­ter­di. Búgingi ashylyp otyrǵan eń­seli óner ordasy da sol izgi bas­tamanyń zańdy jalǵasy, – dedi óńir basshysy Ǵalı Esqalıev óziniń qut­tyqtaý sózinde.

Aqjaıyq óńiri mádenıeti­niń eń bir qýanyshty kúnine Qazaq­stan Respýblıkasy Premer-
Mı­­­nıstriniń orynbasary Eraly Toǵ­janov bastaǵan úkimettik dele­ga­sııa­synyń sapary dóp kelgen eken. Oblystaǵy birqatar áleý­met­tik nysandy aralap shyq­­qan Eraly Luqpanuly óner sa­ra­­ıynyń ashylý saltana­tyna qa­tysyp, sóz sóıledi.

– Búgin oblysta júzege asy­­ry-
lyp jatqan úlken jańalyq­tar­­ǵa kýá boldyq. Qasym-Jo­mart Ke­mel­ulynyń halyqqa ar­na­ǵan Jol­daýynda qoıǵan naq­­ty baǵyttar boıynsha ju­mys júrgizdik. Onyń ishinde koronavırýs indetimen kúres júr­gizýge baılanysty medısına sala­syndaǵy birqatar másele kóterildi. Bilim salasy boıynsha oblys deńgeıinde sheshilip jatqan jáne 2022 jylǵa deıingi sheshile­tin máselelerdi birge talqyladyq. Múmkindigi shekteýli jandarǵa qoldaý kórse­tetin ortalyqtardyń ashylýyna kýá boldyq. Bıznes salasy ókilderiniń áleýmettik salaǵa – óner men bilimge erekshe kóńil aýdarǵanyn, naqty is-áreketin kór­dik. Eldiń ósýi men ónýi eń aldymen onyń mádenıetimen tike­leı baılanysty. Búgin alystan qaraǵannan-aq júrekti baýrap alatyn úlken mádenıet ordasy dúnıege keldi. Bul eń aldymen táýelsizdigimizdiń arqasy. So­nyń nátıjesinde saltymyz ben dás­túrimiz jańǵyrdy, elimiz eńsesin kóterdi. Táýelsizdiktiń arqasyn­da Batys Qazaqstanda osyndaı záý­lim mádenıet ordasy boı kóterdi. Osyndaı óner ordalarynyń ju­mys jasaýymen eldiń rýhy, ha­lyq­tyń namysy kóterilip, týy­myz bıikte jelbireıdi, – dedi Úkimet basshysynyń orynbasary.

Saltanatty sharaǵa Aqpa­rat jáne qoǵamdyq damý mı­nıstri Aıda Balaeva, Saýda já­­ne ıntegrasııa mınıstri Ba­qyt Sultanov, Mádenıet vıse-mınıstri Nurǵısa
Dáýeshov, Memle­kettik syılyq­tyń laýreaty, aqyn Aqushtap Baq­ty­gereeva, Qazaqstannyń Eńbek Eri, skrıpkashy Aıman Musaqod­jae­va, Qazaqstannyń Eńbek sińir­gen qaıratkeri, ánshi-kompozıtor Bir­jan Hasanǵalıev jáne Nur-Sul­tan, Almaty qalalarynyń, Túrkis­tan, Atyraý, Aqtóbe, Mań­ǵystaý oblystarynyń delegasııalary qatysty. Meımandar óner ordasymen tanysyp shyqqan soń tuńǵysh konserttiń kezegi keldi. Dáýletkereı atyndaǵy qa­zaq ult-aspaptar orkestri, ka­me­ralyq orkestr jáne orys ult­tyq folklorlyq ansamblderi, ánshiler men bıshiler kórermenge erekshe kesh syılady. Konsertte jergilikti ónerpazdarmen qatar respýblıkalyq jáne halyqaralyq konkýrstardyń laýreaty Elena Nızamýtdınova, Qazaqstannyń eńbek sińirgen qaıratkeri, Abaı atyndaǵy memlekettik akade­mııa­lyq opera jáne balet teatrynyń solısi Dına Hamzına, Qazaqstan Respýblıkasynyń eńbek sińirgen qaıratkeri Janna Orynbasaro­va, Qazaqstannyń halyq ártisi Aıman Musaqojaeva, Tatarstan Res­pýb­lıkasynyń eńbek sińirgen ártisi Nurlan Bekmuhambetov, Qa­zaqstannyń eńbek sińirgen qaı­ratkeri, ánshi-kompozıtor Birjan Hasanǵalıev óner kórsetti.

«Atameken» óner ordasynda­­­ǵy alǵashqy konserttiń núktesi ­áıgi­li «Atameken» ánimen qo­ıyl­dy. Aıta keteıik, óner ordasyna ataý berer kezde óńirdegi zııaly qa­ýymnan túrli usynys bolǵan edi. Aqyry tańdaý adamǵa emes, óner týyndysyna – Qadyr Myrza Áli men Eskendir Hasanǵalıev­tiń «Ata­meken» ánine tústi. Bul Aqjaıyq óńirinde ánge, óner týyn­dysyna kórsetilip otyrǵan ekinshi erekshe qurmet. Budan bu­ryn Aqjaıyq aýdanynyń orta­lyǵynda Juban Moldaǵalıev pen Ilııa Jaqanovtyń «Edil men Jaıyq» ánine eskertkish orna­tyl­ǵan bolatyn.

 

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar