«Memleket basshysynyń tapsyrmalaryna sáıkes, jobany iske asyrý nátıjesinde eńbek ónimdiligin 2,5 esege arttyrý, otandyq óndiristiń negizgi azyq-túlik taýarlarymen qamtamasyz etý, óńdelgen ónim úlesin 70%-ǵa deıin jetkize otyryp, agroónerkásiptik keshen ónimderiniń eksportyn 2 esege ulǵaıtý, sondaı-aq 7 iri ekojúıe qalyptastyrý jáne ınvestısııalyq jobalardy iske asyrý esebinen 1 mln aýyl turǵynynyń tabysyn turaqty arttyrýǵa qol jetkizý qajet», delingen vedomstvo habarlamasynda.
Vedomstvo basshysy Úkimet múshelerine mejelengen maqsattarǵa qol jetkizýge baǵyttalǵan, ulttyq joba boljaıtyn faktorlar men tetikter týraly tolyq baıandap berdi.
Máselen, ishki naryqty qamtamasyz etý úshin ımportty almastyrý máseleleri keshendi túrde sheshiletin bolady. Mınıstrlik qus eti, shujyq ónimderi, irimshik jáne súzbe, alma, qant jáne balyq sııaqty kóp ımporttalatyn pozısııalardy anyqtady.
«Búgingi tańda osy baǵyttardyń árqaısysy boıynsha naqty ınvestısııalyq jobalar anyqtalyp, iske asyrylýda. Nátıjesinde 2024 jylǵa qaraı atalǵan ónim túrleri boıynsha qanttan basqa qamtamasyz etilý 100%-dy, al qant 80%-dy quraıtyn bolady.
Ulttyq jobanyń basymdyǵy et, jemister, kókónister, qant, dándi, maıly daqyldar, sút ónimderin óndirý men qaıta óńdeýdi qosa alǵanda, iri ınvestısııalyq jobalar aınalasynda 7 ekojúıeni qalyptastyrý bolady. Bul qosylǵan quny joǵary túpkilikti qazaqstandyq ónim jasaýǵa qatysa alatyn keminde 350 myń fermerlik jáne úı sharýashylyqtaryn iske tartýǵa múmkindik beredi.
Jalpy Ulttyq jobany iske asyrý nátıjesinde bes jyl ishinde eńbek ónimdiligin 2,5 esege arttyrý, 500 myń adamdy jumyspen qamtamasyz etý, osylaısha 1 mln aýyl turǵynynyń tabysyn arttyrý josparlanýda», dedi Erbol Qarashókeev.
Eske sala keteıik, agroónerkásiptik keshendi damytýdyń 2021-2025 jyldarǵa arnalǵan Ulttyq jobasy Memleket basshysynyń tapsyrmasyn oryndaý maqsatynda ázirlendi.
