Sport • 12 Qazan, 2021

Jıddada Rýfına Shalqarova da álem chempıony atandy

112 ret kórsetildi

Saýd Arabııasynyń Jıdda qalasynda aýyr atletıkadan jastar arasynda ótken álem chempıonatyna Qazaqstannan nebary eki sportshy ǵana qatysqany málim. Solardyń ekeýi de asqan sheberlik tanytyp, altyn tuǵyrdan kórindi.

Jarys jolyna 102 kılo salmaq dárejesinde kúsh synasyp júrgen Rahat Bekbolat shyqqanda onyń bas júldeni oljalaıtynyna kúmándanǵandar kemde-kem edi. Sebebi, ol buǵan deıin de jasóspirimder men jastar arasynda álem jáne qurlyq chempıony atanyp, san ret rekordtyq kórsetkishti  jańartty. Syr boıynyń sańlaǵy eresekter dýyna da erkin qosylyp, birqatar dúbirli dodalarda myqtylyǵyn moıyndatty. Jıddadaǵy jarysta da Rahat jasyndaı jarqyrady. Qossaıystyń qorytyndysy boıynsha 355 (155+200) kılolyq ziltemirdi erkin eńsergen ol bas júldeni qanjyǵasyna baılady. Kúmis medaldi ıelengen Túrkııanyń tastúlegi Taner Chaglar  qandasymyzdan 18 kılo kem kóterdi. Qola júlde Irak sportshysy Ammar Rýbaıavı Álıge buıyrdy.      

Búgin Rýfına Shalqarovanyń asqan sheberligine tánti boldyq. +81 kılo salmaqta synǵa túsken ol 247 (107+140) kılolyq kórsetkishpen altynnan alqa taǵyndy. О́zge sportshylar qazaq qyzyna jarytyp qarsylyq ta kórsete almady. Máselen, ekinshi orynǵa taban tiregen brazılııalyq Tıana Jýstıno Rýfınadan 28 kılo kem kóterdi. Úshinshi satyǵa túrkııalyq Fatmagúl Chevık jaıǵasty. Onyń kórsetkishi – 203 kılo.  

 

Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar