Kompanııa basshysynyń aıtýynsha, kúrdeli jóndeýden ótken jańa mekteptiń dırektoryna 100 myń dollar nemese Elordadan 3 bólmeli páter syıǵa beriledi.
Men bir-eki jyl buryn mektepti kúrdeli jóndeýden ótkizdim. Biraq bilimdi mektep qabyrǵasy emes, ozyq bilimdi muǵalim beredi. Sol sebepti mektep dırektorlaryna baıqaý jarııalaımyn. Qatysýshylarǵa úsh shartym bar:
Birinshi shart - úsh jyl sol mektepte jumys isteý. Mekteptiń bilim deńgeıin kóterý, sondaı-aq ózine murager daıyndaý.
Bilim ordasy ShQO Kókpekti aýdany, Kaznakovka aýylynda (Qulynjan), О́skemen qalasynan 160 shaqyrym qashyqtyqta ornalasqan.
Ekinshiden - bilim berý ádisi qarapaıym bolmaıdy, Fınlıandııanyń úzdiksiz bilim berý úlgisine uqsas daıyndalǵan, ıaǵnı 2-12 jas aralyǵyndaǵy bastaýysh mektep túrinde bolady. Iаǵnı oıyn men oqytý túrinde jasalǵan.
Sonymen qatar úsh tilde bilim berý úshin muǵalimderdi qosymsha irikteý, turǵyn úımen qamtamasyz etý qarastyrylǵan.
Sondaı-aq, balalardyń bilim alýyna ata-analardyń barynsha qatysýy mańyzdy bolady.
Al mektep óz kezeginde aýyldyń shaǵyn qoǵamdyq ortalyǵyna aınalady. Iаǵnı, keshkilik, demalys ýaqyttarynda aýyl jastary, balalar men ata analar jattyǵatyn sporttyq seksııalar uıymdastyrylady. Bizdiń top halyqaralyq tájirıbelerdi mysalǵa ala otyryp basqa da qyzyqty nárseler ázirledi.
