Sharaǵa QR Prezıdenti Qasym-Jomart Toqaev, QR ekologııa, geologııa jáne tabıǵı resýrstar mınıstri Serikqalı Brekeshev, sondaı-aq BUU-nyń joǵary laýazymdy tulǵalary, halyqaralyq sarapshylar, isker toptar men azamattyq qoǵam ókilderi qatysyp jatyr. 2020 jylǵy 12 jeltoqsanda ótken Klımattyq ambısııalar sammıtinde Memleket basshysy Qasym-Jomart Toqaev Qazaqstannyń 2060 jylǵa qaraı kómirtegi beıtaraptyǵyna qol jetkizetinin málimdegen bolatyn.
«Qazaqstannyń barsha azamattarynyń atynan búgin klımattyń ózgerýine qarsy kúreske degen bizdiń berik ustanymymyzdy, Parıj kelisimine sáıkes barynsha batyl, maqsatty is-qımyl jasaýǵa degen nıetimizdi rastaǵym keledi. Osy rýhta biz 2060 jylǵa qaraı kómirtegi beıtaraptyǵyna qol jetkizýge mindettenemiz», dep málimdedi sol kezde Memleket basshysy.
Halyqaralyq konferensııanyń maqsaty –Qazaqstannyń 2060 jylǵa qaraı kómirtegi beıtaraptyǵyna qol jetkizýi jónindegi paıymyn tanystyrý; kómirtegiden beıtarap qoǵamdy qaıta qurý arqyly ashylatyn ekonomıkalyq jáne áleýmettik múmkindikterdi, ınfraqurylym men tehnologııalardaǵy karbonızdandyrý jáne qaıta qurýdyń qajetti saıasatyn jurtshylyqtyń nazaryna jetkizý; aýqymda kóshý úshin qarjy qarajatyn jumyldyrýdyń negizgi rólin talqylaý.
