Jańa tabystardyń jarqyn bastaýy

Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynda aıtylǵan memleketimizdi damytýdyń basym baǵyttary Májilis Tóraǵasy Nurlan Nyǵmatýlınniń Ońtústik Qazaqstan oblysynda ótken kezdesýlerinde áńgime ózegine aınaldy. Kentaý transformator­ zaýy­tynyń ónimi búginde ekono­mı­kanyń túrli salalarynda: elektr energetıkasy, metallýrgııa, ma­shı­na jasaý, kólik, munaı-gaz kesheni, turǵyn úı-kommýnaldyq sektorlarynda keńinen paıdalanylady. Zamanǵa saı joǵary tehnologııaly quraldardy paıdalaný arqasynda shyǵarylǵan ónim sapaly ári senimdi bolyp otyr. N.Nyǵmatýlın zaýyt­ ju­mys­shylaryna Prezıdent Jol­daýy­nyń negizgi baǵyttary tý­raly keńinen áńgime etip, bar­lyq qazaqstandyqtardyń basty maqsaty – Elbasy júktegen tarıhı mindetterdi júzege asyrýǵa bel­sene aralasý ekenin qadap aıtty. Májilis Tóraǵasy aımaqtyń jalpy ındýs­trııalyq áleýetine toqtala kelip, atalǵan zaýyt­tyń joǵary tehnologııalardy paıdalanýǵa, óndiristi jań­ǵyr­týǵa baǵyttalǵanyn tilge tıek etti. Aıtalyq, 2013 jyly ón­diristik ónim 552 mıllıard teń­geni qurady, bul – 2012 jylmen salystyrǵanda 2,3 paıyzǵa joǵary. Kásiporyn qyz­metkerleriniń elimizdegi ındýs­trııa­lyq baǵdarlamanyń orynda­lýy jaıynda suraqtaryna jaýap bergen Májilis Spıkeri tek bıyl­dyń ózinde elimizde 130 óndiris or­nyn ashý josparlanǵanyn málim­dedi. – Qazaqstanda 2010-2014 jyldar aralyǵynda 950 óndiris orny qurylyp, 250 myń jumys orny ashylady. Nátıjesinde elimizde 250-den astam jańa ónim paıda bolady, – dedi N.Nyǵmatýlın. Kentaý transformator zaýy­tynyń jumys­shylary Prezıdent kórsetken basym­dyq­tardyń biri – ınnovasııalyq tehnologııa baǵytyn jedel damytý óz óndiristerinde oń nátıje beretinine senimdi. Májilis Tóraǵasynyń taǵy bir jarqyn júzdesýi M.Áýezov atyn­daǵy Ońtústik Qazaqstan mem­le­kettik ýnıversıtetiniń stýdent­terimen ótti. Osy oqý ornynyń stýdentterin Elbasy Joldaýynyń erekshelikteri men olardy júzege asyrýdyń naqty joldary qy­zyq­tyrdy. Prezı­denttiń saıasatyn qoldaý maq­satynda ýnıversıtet stý­dentteri alǵash bolyp «Máń­gilik El» qoǵamdyq jastar birles­tigin qurý bastamasyn qolǵa alǵan. Májilis Spıkerimen áńgime barysynda ońtústikqazaqstandyq jastar, sondaı-aq, ǵylymǵa negizdelgen ekonomıka, túlekterdi jumysqa ornalastyrý, jastar saıa­saty sııaqty máselelerge jáne soǵan laıyq zańnyń qabyldanar ýaqytyn bilýge qushtarlyq tanytty. N.Nyǵmatýlın búginde májilismender jastar saıasatyna arnalǵan zań jobasyn qabyldaý jolynda belsene jumys atqaryp jatqanyn, onyń qabyldanýy jastardyń múddesine saı keletinin atap ótti. Májilis Tóraǵasy, «Nur Otan» Saıası keńesi bıýrosynyń múshesi, partııanyń parlamenttik frak­sııa­synyń jetekshisi N.Nyǵmatýlın bul kúni «Nur Otan» partııasynyń oblystyq fılıalynda qoǵamdyq qabyldaý ótkizdi. Alys aýdannan kelgen Álaıdar Ámirhanov degen azamat Saryaǵashtan Jetisaıǵa shyǵatyn baǵyttaǵy kópirdiń bú­gingi qıyn jaǵdaıyn, bul mańda únemi kólik keptelegi bolyp, erkin qozǵalýǵa qatty kedergi keltirip jatqanyn aıtsa, Ordabasy aýda­nynyń turǵyny Zamıra Mahanova «Beıneý – Bozoı» gaz qubyrynyń Temirlan eldi mekenine qashan keletinine qyzyǵýshylyq bildirdi. Al báıdibektik Ǵabıt Qapalbaıdyń máselesi tipten kúrdeli eken. Aq­meshit aýylyndaǵy sharýa qo­ja­lyǵyn basqaratyn ol Boraldaı ózeni boıynan «Qostura» sý qoı­ma­sy qurylysynyń qashan basta­la­tynyn bilgisi keldi. Bul sý qoı­masy paıdalanýǵa berilse, Báı­di­bek aýdanynda sýarmaly jerlerdi kóbeıtýge múmkindik artady. N.Nyǵmatýlın kópirdi keńeıtý máselesiniń sheshilýi úshin bıýdjetten 369 mln. teńge qaralǵanyn, ju­mys bıyl bastalatynyn jetkizdi. Al 2015 jyldyń sońyna qaraı «Beı­neý – Bozoı – Aqbulaq» gaz qu­byry oblystyń 8 aýdany men 254 aýylyn kógildir otynmen qam­tamasyz etýge múmkindik beredi. Sondaı-aq, «Qostura» sý qoıma­syn salýǵa 280 mln. teńge qaras­tyrylǵan. Azamattardy qabyldaý barysynda Májilis Tóraǵasy ekin­shi toptaǵy múgedek Gúljamal Bek­bo­latovamen etene áńgimelesti. Onyń uly da bala jastan múgedek eken. – Biz úshin Joldaýdyń orny erekshe. Sebebi, Elbasy múmkindigi shekteýli jandarǵa aıryqsha kóńil bóldi. Osyndaı qoldaýdyń arqasynda bizdiń árqaısymyz óz elimizge qajet ekenimizdi túsinemiz. Prezıdenttiń bul qamqorlyǵy bizge aýadaı qajet, – dedi G.Bekbolatova. – Elbasynyń bıylǵy Joldaýy búkil elimizge, halqymyzǵa, sonyń ishinde Ońtústik Qazaqstan oblysyna da erekshe serpin berýde. Onda aıtylǵan árbir mindet jańa óndiriske, áleýmettik jaǵdaıdy jaqsartýǵa, ınnovasııalyq baǵ­darlamalarǵa, jańa tabystarǵa jol ashady. Sondyqtan, bul Joldaýdy oryndaýǵa árbir azamattyń óz úle­sin qosýy úshin múmkindikter óte zor. Osynyń barlyǵy – bizdiń asyl muratymyz, uly maqsatymyz «Máńgilik El» bolý jolyndaǵy naq­ty qadamdardyń biri, – dep sózin qorytqan N.Nyǵmatýlın múm­kindigi shekteýli Erlan Bekbolatqa qolarba syılady. Oralhan DÁÝIT, «Egemen Qazaqstan». Ońtústik Qazaqstan oblysy.