Memlekettik tapsyrys aıasynda basylyp shyqqan kóp tomdyqqa Jambyl Jabaevtyń ótken ǵasyrdyń basynan bastap ómirden ótkenge deıingi barlyq óleńderi, aıtystary men jyrlary toptastyrylǵan. Odan bólek, aqyn shyǵarmashylyǵyna qatysty ǵalymdardyń ǵylymı eńbekteri, aqyn-jazýshylardyń estelikteri de basylǵan.
J.Jabaevtyń 175-jyldyǵyn atap ótý jónindegi Memlekettik komıssııanyń tóraǵasy Qyrymbek Kósherbaev, jyr alyby Jambyldyń halqymyzdyń rýhanı dúnıesinde qýatty da ómirsheń jyrlary arqyly óshpes iz qaldyrǵanyn atap ótti.
Bul jaryq kórgen 10 tomdyq jınaq Jambyl aqynnyń búkil murasy, onyń ómiri men shyǵarmashylyǵy týraly estelikter men ǵylymı zertteýler engen tuńǵysh tolymdy basylym retinde jaryqqa shyǵyp otyr.
– Condyqtan da búgin tusaýy kesilip otyrǵan 10 tomdyq jınaq Jambyltanýǵa qosylǵan úlken úles, halqymyzdyń rýhanı qazynasyn molaıtqan irgeli eńbek dep esepteımin, – dedi Qyrymbek Kósherbaev.
