13 qazan kúni saǵat 16:45 shamasynda Almaty qalasynyń 59 jastaǵy turǵyny Wuling avtokóligimen Almaty-Kókpek-Kóktal avtojolymen batys baǵytta kele jatqan.
«Gúldala aýylyna kire beriste kólikti basqara almaı qalyp, baǵdarshamnyń qyzyl jaryǵy janyp turǵanda júrip ketip, jaıaý júrginshiler ótkelinde joldan ótip bara jatqan er adamdy qaǵyp ketti. Ol alǵan jaraqaty saldarynan oqıǵa ornynda kóz jumdy. Marqumnyń jeke basy anyqtaldy», dep jazylǵan QR IIM resmı ınternet-resýrsynda jarııalanǵan habarlamada.
Atalǵan fakt QR QK-niń 345-baby 3-bóligi «Avtomobıldi basqaratyn adamnyń abaısyzda adam ólimine ákep soqqan jol qozǵalysy qaǵıdalaryn buzýy», boıynsha SDTBT-de tirkeldi.
