Jyl qorytyndysyna arnalǵan alqa májilisi

Alqa jumysyna Prezıdent Ákimshiliginiń ókilderi, Memlekettik qyzmet isteri agenttiginiń, «Memlekettik qyzmettiń personalyn basqarý ulttyq ortalyǵy» AQ-tyń, Prezıdent janyndaǵy Memlekettik basqarý akademııasynyń basshylyǵy, sonymen qatar, aýmaqtyq bólimderdiń basshylyǵy jáne Agenttiktiń ortalyq apparatynyń qyzmetshileri qatysty. Qazaqstan Prezıdentiniń el halqyna arnaǵan «Qazaqstan jo­ly – 2050: bir maqsat, bir múd­de, bir bolashaq» atty Jol­daýy turǵysynan Agenttiktiń min­det­teri týraly baıandama jasaǵan Agenttik tóraǵasy Álı­han Baımenov memlekettik qyz­met­tiń jańa modeliniń ózekti máse­lelerine erekshe nazar aýdardy. Aldaǵy damý merıtokratııa qa­ǵıdattaryn qoldaný, konkýrs komıssııasy otyrystaryndaǵy sarapshylar men baqylaýshylardyń qatysýy, etıkalyq jáne tártiptik baqylaýdy kúsheıtý, personal­dy basqarý qyzmetterin kásibı­lendirý, sonymen birge, usyny­latyn memlekettik qyzmettiń sapasy sııaqty ózekti baǵyttarǵa ıe bolady. Agenttik tóraǵasy memlekettik organda qujat aınalymynyń aıtarlyqtaı tómendeýi, joǵary turǵan organdarǵa usynylatyn eseptemeler tizimin qaıta qaraý bolatynyn basa aıtty. Sheshim shyǵarý úshin aqparatty jáne eseptemelerdi qalyptastyrýdyń qaǵıdattary mańyzdylyq, is­ker­lik, maqsattylyq jáne iske asa­tyndyq bolýy qajet. Á.Baımenov aýmaqtyq de­par­tamentterdiń basshylaryna Prezıdent Joldaýynyń túsin­dirý jumystaryn kúsheıtý jáne memlekettik qyzmettiń ja­ńa modeli boıynsha, óńirlik tártip­tik keńester jumysynyń jarııa­ly­lyǵyn qamtamasyz etý, memle­kettik organdardaǵy bos oryndar jáne ótkiziletin konkýrstar týraly ýaqtyly habarlaý boıynsha birqatar tapsyrmalar berdi. Alqanyń aıaqtalýymen per­sonaldy basqarý tujy­rym­da­masynyń jobasy tanystyrylǵan semınar ótkizildi, sonymen qatar, memlekettik qyzmette jeke tul­ǵaaralyq qarym-qatynas óneri já­ne memlekettik organnyń oń be­delin qalyptastyrý tehno­lo­gııa­­lary boıynsha trenıngter ótti. «Egemen-aqparat».