Qazaqstan • 15 Qazan, 2021

Dárigerlerdiń ortasha jalaqysy jańasha esepteledi

189 ret kórsetildi

Densaýlyq saqtaý mınıstrligi ortasha jalaqyny esepteýdiń biryńǵaı erejelerine ózgerister engiziletin buıryq daıyndady, dep habarlaıdy Egemen.kz.

Osylaısha, qyzmetkerdiń ortasha jalaqysy ortasha kúndik (saǵattyq) jalaqyny oqıǵa kezeńine sáıkes keletin jumys kúnderiniń (jumys saǵattarynyń) sanyna kóbeıtý jolymen bes kúndik nemese alty kúndik jumys aptasy kezindegi jumys ýaqytynyń teńgerimin negizge ala otyryp esepteledi delingen.

Jumys ýaqytynyń jıyntyq esebi kezinde qyzmetkerdiń ortasha jalaqysy ortasha saǵattyq jalaqyny bes kúndik nemese alty kúndik jumys aptasyndaǵy jumys ýaqytynyń balansyna súıene otyryp, jumys saǵattarynyń ortasha jyldyq sanyna kóbeıtý arqyly esepteledi.

Ortasha jalaqyny esepteý kezinde eskerilmeıtin tólemderge mynalar jatady:

  • Jyl saıynǵy aqyly eńbek demalysynyń paıdalanylmaǵan bóligi úshin ótemaqy;
  • Eńbekke ýaqytsha qabiletsizdigi boıynsha áleýmettik járdemaqy, sondaı-aq jumys berýshi belgileıtin áleýmettik járdemaqy mólsherine qosymsha tólemder;
  • Eńbek demalysyn berý kezinde qyzmetkerlerge tólenetin jyl saıynǵy eńbek demalysy;
  • Qyzmettik issaparlarǵa jiberiletin qyzmetkerlerge ótemaqylar;
  • Turaqty jumysy jolda ótetin nemese júrip-turý sıpaty bar ne qyzmet kórsetiletin ýchaskeler shegindegi qyzmettik saparlarmen baılanysty bolǵan jaǵdaılarda ótemaqy tólemderi;
  • Dalalyq jumystarmen aınalysatyn qyzmetkerlerge dalalyq jabdyqtalym;
  • Qyzmetker jumys berýshimen birge basqa jerge jumysqa aýysqan nemese kóshken kezde ótemaqy tólemi;
  • Taraptardyń kelisimi negizinde jumys berýshiniń múddesinde qyzmetkerdiń (jeke tulǵanyń) jeke múlkin paıdalaný kezindegi shyǵystardy óteý;
  • Berilgen súttiń nemese oǵan teńestirilgen tamaq ónimderiniń nemese dıetalyq (emdik jáne profılaktıkalyq) tamaqtanýǵa, arnaıy kıimge jáne basqa da jeke qorǵanysh quraldaryna arnalǵan mamandandyrylǵan ónimderdiń quny;
  • Qyzmetker eńbek mindetterin atqarǵan kezde onyń ómiri men densaýlyǵyna keltirilgen zııandy óteý jónindegi tólemder (joǵaltylǵan jalaqysy bóligindegi tólemderden basqa);
  • Qyzmetkerlerge jumys berýshi kórsetetin materıaldyq kómek (aqshalaı járdemaqy) (bala týǵan kezde, medısınalyq qyzmetterge aqy tóleý úshin, jerleýge jáne basqa da jaǵdaılarda), sondaı-aq jumys berýshiniń qarajaty esebinen ujymdyq shartta nemese jumys berýshiniń aktisinde qosymsha kózdelgen ótemaqylar men áleýmettik kepildikterdi tóleý;
  • Birjolǵy kótermeleý tólemderi (birjolǵy aqshalaı syıaqyny qosa alǵanda);
  • Jumys berýshiniń kinásinen jalaqy tóleý keshiktirilgen kezde jáne mindetti zeınetaqy jarnalaryn ýaqtyly aýdarmaǵany úshin jumys berýshi jumyskerge tóleıtin ósimpuldar;
  • Jumys berýshiniń qyzmetkerlerdi oqytýǵa jáne olardyń biliktiligin arttyrýǵa baılanysty shyǵystary;
  • Sporttyq baıqaýlarda, konkýrstarda jáne jarystarda júldeli oryndar úshin beriletin aqshalaı nagradalar;
  • Qyzmetkerge memlekettik jáne qoǵamdyq mindetterdi oryndaý orny boıynsha tólengen jalaqy;
  • Eńbek kodeksiniń 72-babyna sáıkes kúndelikti jumysty (jumys aýysymyn) bólikterge bólý kezinde jumyskerlerge jumysy úshin ótemaqy tólemderi;
  • Balany tamaqtandyrýǵa arnalǵan úzilister ýaqytynda saqtalatyn ortasha jalaqy;
  • Bos turyp qalǵan jaǵdaıda qyzmetkerlerge tólengen somalar.

Túsindirilgendeı, jumys ýaqytynyń jıyntyq esebi aýysymdyq jumysta, vahtalyq jumys ádisinde qoldanylady. QR qoldanystaǵy Eńbek kodeksinde aýysymdyq jáne vahtalyq ádispen jumys isteıtin jumyskerlerge olardyń aýysymaralyq, vahtaaralyq demalysyna eńbek demalysyn berýge tyıym salynbaǵan.

Qujat jobasy 28 qazanǵa deıin «Ashyq NQA» saıtynda jarııa talqylaý úshin ornalastyrylǵan.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar