О́zbekstan delegasııasyn Premer-Mınıstrdiń orynbasary, Investısııa jáne syrtqy saýda mınıstri Sardor Ýmýrzakov basqardy, Aýǵanstan tarapyn Aýǵanstannyń ýaqytsha úkimeti basshysynyń mindetin atqarýshy Abdýl Salam Hanafı basqardy.
Mınıstrlik málimdemesinde kezdesýde saýda-ekonomıkalyq yntymaqtastyq, shekara qaýipsizdigi, energetıka salasyndaǵy kelisim, halyqaralyq júk tasymaly men tranzıt máseleleri talqylanǵanyn habarlady. Sonymen qatar, bilim berý jáne gýmanıtarlyq saladaǵy qatynastardy damytý jóninde pikir almasty.
«Infraqurylymdyq jobalardy iske asyrýǵa, sonyń ishinde «Sýrhan-Pýlı-Hýmrı» elektr jelisiniń tartylýyna jáne «Termez-Mazarı-Sharıf-Kabýl-Peshavar» temirjolynyń qurylysyna erekshe nazar aýdaryldy», dep atap ótti О́zbekstan SIM.
О́zbekstan SIM Aýǵanstan delegasııasy ózbek úkimetine qonaqjaılyq kórsetip, sátti kelissóz jasaǵany úshin rızashylyq bildirgenin habarlady.
RIA Novostı «Talıban» qozǵalysy málimdemesine saı О́zbekstanmen kelissózder nátıjesinde birlesken jumys toptary qurylǵanyn habarlady.
«Eki jaqtyń arasynda kóptegen salada birlesken jumys toptary quryldy. Jumys toptary ózekti máselelerdi talqylap, basshylaryna kelesi qadamdar boıynsha usynystar tastaıdy», dedi Talıban ókili Zabıhýlla Mýjahıd málimdemede.
Málimdemege sáıkes, aldaǵy on kúnde taraptar basshylyqqa usynatyn jol kartasyn ázirleıdi.
