Sýtegi quıý beketin salmaq

Qujat taraptardyń sýtegi qozǵaltqyshy bar avtomobılderge arnalǵan sýtegi quıý beketin uıymdastyrýdy kózdeıdi. Son­daı-aq beketti Atyraý zaýy­tyn­daǵy «Er Lıkıd Mýnaı Teh Gazy» seriktestigi qondyr­ǵy­lary­nyń sapasyna sáıkes kele­tin sýtegimen qamtamasyz etý júk­telgen. Atalǵan tehnologııa Qazaq­standa alǵash ret usynylyp otyr.

Joba eki kezeńnen turady. Birinshi kezeńde, ıaǵnı 2022 jylǵy naýryz aıynyń sońyna deıin Atyraý qalasynda mobıldi sýtegi quıý beketin ornatý, sondaı-aq Atyraý munaı óńdeý zaýyty qyzmetkerlerin tasymaldaıtyn sýtegi qozǵaltqyshy bar avtobýstar men jeńil kólikter satyp alý qarastyrylǵan.

Ekinshi kezeńde, ıaǵnı 2022 jyldyń sońyna qaraı «Er Lıkıd Mýnaı Teh Gazy» seriktestigimen birlesip sýtegi quıý beketin tıisti sapadaǵy sýtegimen qamtamasyz etý boıynsha jumystar keshenin aıaqtaý jáne Atyraý qalasynda stasıonarlyq sýtegi quıý beketin iske qosý josparlanýda.

– «QazMunaıGaz» sýtegi energetıkasyn damytýdy uzaq merzimdi perspektıvada kompanııa qyzmetin dekarbonızasııalaý baǵdarlamasynyń basym baǵyttarynyń biri retinde qarastyryp otyr. Bul Memleket basshysynyń 2060 jylǵa qaraı kómirtegi beıtaraptyǵyna qol jetkizý jónindegi tapsyrmasyna sáıkes keledi jáne jalpy álem­dik trendtermen de úndesip jatyr. Kómirtegi kólemin azaı­tý aktıv­ter qunynyń ósýine ǵana sep­tigin tıgizip qoı­maı, bizdiń ınves­tısııalyq tartym­dylyǵymyzdy da arttyrady, – deıdi ulttyq kompanııa­nyń basqarma tóraǵasy Alık Aıdarbaev.

Qazirgi ýaqytta «QazMunaıGaz» 2022-2031 jyl­dar­ǵa arnalǵan damý strategııa­syn ózektendirýde. Buǵan qosa tómen kómirtekti damý baǵ­dar­lamasy maquldandy. Kompa­nııa 2031 jylǵa qaraı SO2 shy­ǵa­ryndylaryn 2019 jyl­ǵy deńgeıden 15 paıyzǵa tómen­detýdi kózdep otyr. Bul shamamen 1,6 mln tonna SO2-ni quraıdy.

Atalǵan maqsatqa energııa tıimdiligin arttyrý, energııa únemdeý salasyndaǵy is-sharalardy júzege asyrý, jańartylatyn jáne sýtegi energetıkasyn damytý, kómirtegini óndirý jáne saqtaý jónindegi tehnologııalardy qoldaný, orman-klımattyq jobalardy iske asyrý arqyly qol jetkizý josparlanǵan. Qazirdiń ózinde ulttyq kompanııa osy baǵytta áleýetti arttyrý jáne óndirilgen sýtegini óz aktıvterinde paıdalaný úshin sýtektik mobıldilik salasyndaǵy qanatqaqty jobany iske asyra bastady.

Eske sala keteıik, sýtegi otyny benzın men dızelge eko­lo­­gııalyq balama bolyp sanalady. О́ıtkeni ol janǵanda bý shyǵady. Sonymen qatar sýteginiń benzınge qaraǵanda shyǵyny áldeqaıda az – 100 shaqyrym úshin bar-joǵy 0,6 kılo sýtegi jumsalady. Sýtegi quıý beketi sýtegini saqtaý, sal­qyndatý, syǵymdaý jáne taratý júıelerinen turady.

Jobanyń seriktesi – Fran­sııa­nyń Air Liquide kompanııa­sy. Kompanııa sońǵy 50 jylda sýtegi jetkizýdiń barlyq tizbegin, ıaǵnı ony óndirýden bastap saqtaý­ǵa, sońǵy tutynýshylarǵa ar­nal­ǵan qosymshalardy ázirleý jáne taratýǵa deıingi aralyqty qamtıdy. Búgingi tańda kompanııa álem boıynsha 120-dan astam sýtegi quıý beketin jobalap, iske qosty.