«Býran-227» patrýldik ekıpajy Qabanbaı batyr kóshesinde quqyq qorǵaý qyzmetin atqarý kezinde qarama-qarsy baǵyttaǵy jolaqta kele jatqan Hyundai avtokóligin baıqaǵan. Polısııa qyzmetkerleriniń talaptaryna kólik júrgizýshisi mán bermeı, kerisinshe, olardan qasha bastady. Talǵar qalasynyń baǵytyndaǵy ekologııalyq postta qyzmet etip turǵan polısııa aǵa leıtenanty Meıirjan Bısembaev quqyq buzýshyny toqtatýǵa tyrysty, ol toqtamastan, ınspektordy tolyq jyldamdyqpen qaǵyp ketti. Eki aıaǵynyń synýy, ishki músheleriniń jarylýy, bas súıeginiń jabyq jaraqatymen polısııa qyzmetkeri aýrýhanaǵa jatqyzyldy. Hyundai júrgizýshisi ustaldy», dedi Almaty qalalyq PD Jergilikti polısııa qyzmeti basqarmasynyń bastyǵy Manap Sattarov.
Quqyq buzýshy – 1962 jyly týǵan Ý.esimdi azamat. Onyń kólikti mas kúıinde basqarǵany anyqtaldy.
Bul fakt QR QK-niń 346-baby boıynsha sotqa deıingi tergeýdiń biryńǵaı tizilimine tirkeldi.
