Qazaqstandyq delegasııaǵa Syrtqy ister mınıstriniń orynbasary Erlan Álimbaev, Shvesııanykine – SIM Bas dırektorynyń orynbasary Andreas fon Bekerat jetekshilik etti.
Taraptar ekijaqty jáne kópjaqty yntymaqtastyq máselelerin talqylaý úshin Nur-Sultan men Stokgolm arasyndaǵy joǵary deńgeıdegi baılanystardyń turaqtylyǵyn atap ótti.
Atap aıtqanda, taraptar eki el syrtqy ister mınıstrlikteriniń BUU, Eýropa keńesi men Eýropalyq odaq qyzmetteri sheńberindegi ózara árekettestigi máselelerin talqylady. E. Álimbaev shved tarapyn Qazaqstanda aǵymdaǵy saıası jáne ekonomıkalyq ózgerister týraly habardar etti. Budan basqa, Shvesııanyń EQYU-ǵa qazirgi tóraǵalyǵyn nazarǵa ala otyryp, taraptar Uıym sheńberindegi yntymaqtastyqty, sondaı-aq osy jylǵy jeltoqsannyń basynda Stokgolmde EQYU-nyń Syrtqy ister mınıstrleriniń kezekti kezdesýin ótkizýge daıyndyq barysyn talqylady.
Konsýltasııalar barysynda Aýǵanstandaǵy jaǵdaı jáne atalǵan elde gýmanıtarlyq jáne azyq-túlik daǵdarystarynyń aldyn alýǵa halyqaralyq qaýymdastyqtyń qoldaýy boıynsha pikir almasý oryn aldy.
Jahandyq ekonomıkany KOVID-19 pandemııasy saldarynan qalpyna keltirý aıasynda taraptar saýda-ınvestısııalyq baılanysty damytýdyń perspektıvalyq baǵyttaryn, sondaı-aq Shvesııa bıznesiniń Qazaqstan ekonomıkasynyń tamaq ónerkásibi, tabıǵı resýrstar, aqparattyq kommýnıkasııalar jáne densaýlyq saqtaý sııaqty salalaryndaǵy qyzmetin keńeıtý múmkindikterin talqylady.
