Eldiń soltústigi men ortalyǵynda nóserdiń tolastamaı turǵanyna biraz boldy. Sonyń saldarynan joldar jabylǵan. Mektepter ýaqytsha jumys istemeı tur. Mamandar jaýyn jaqyn arada toqtamaıdy deıdi. Sondyqtan laı kóshkini júrý qaýpi saqtalatynyn eskertip otyr. Osy tasqyn sý Ońtústik-Shyǵys Azııadaǵy taǵy bir memleket - Taıland halqyn da ábigerge saldy. Tabıǵat apatynan 300 myńnan asa úı sharýashylyǵy zardap shekken. Keı óńirdegi sý deńgeıi belden keledi. Al meteorologtar aldaǵy 10 kún ishinde jańbyrdyń toqtaýy ekitalaı deıdi.
