«1 qyrkúıekten beri vaksınalaý josparynyń eń tómengi oryndalýy 10-13 paıyz kóleminde Nur-Sultan qalasy men Mańǵystaý, Qostanaı oblystarynda baıqalyp otyr. Vedomstvoaralyq komıssııa otyrystarynda óńirlerge vaksınasııa qarqynyn jedeldetý týraly birneshe márte tapsyrma berilgen bolatyn. Biraq ol tapsyrma qajetti deńgeıde oryndalyp jatqan joq», degen Úkimet basshysynyń orynbasary ákimdikterdiń jaýapkershligin kúsheıtetin naqty sharalardy usyndy.
«Osyǵan baılanysty óńir ákimderine vaksınasııany uıymdastarý boıynsha Shyǵys Qazaqstan oblysynyń úlgisimen túbegeıli sheshimder qabyldaý kerek dep esepteımiz. Vaksınasııa josparynyń oryndalmaǵany úshin ákimdik basshylarynyń jeke basymen jaýapty ekenin bekitý qajet. Eger vasınalaý boıynsha oń dınamıka baıqalmasa, osy salany úılestiretin ákimderdiń orynbasaralaryna tártiptik sıpattaǵy shara qoldanǵan jón dep esepteımiz», dedi Eraly Toǵjanov.
