Oblystyq Polısııa departamenti baspasóz qyzmetiniń málimetinshe, 18-qazan túngi saǵat 00:46-da Aqkól aýdandyq polısııa bóliminiń kezekshi bólimine «Nur-Sultan-Petropavl» avtojolynyń 387 shaqyrymynda jol-kólik oqıǵasy bolǵany týraly habar túsken.
«Aldyn ala málimetter boıynsha, isten shyqqan «Toyota Camry» avtokóligi tıelgen «Gazel» avtokóligi (júrgizýshisi Nur-Sultan qalasynyń 30 jastaǵy turǵyny) alda turǵan «MAN» avtokóligimen (júrgizýshisi Nur-Sultan qalasynyń 27 jastaǵy) soqtyǵysqan. Jol-kólik oqıǵasy saldarynan «Gazel» avtokóliginiń eki jolaýshysy, ıaǵnı 34 jáne 29 jastaǵy Nur-Sultan qalasynyń turǵyndary oqıǵa ornynda kóz jumdy.
Al, «Gazel» avtokóliginiń júrgizýshisi túrli dene jaraqatymen Aqkól aýdanynyń ortalyq aýrýhanasyna jatqyzyldy. Oqıǵa kezinde eki júrgizýshi de saý bolǵan», dedi vedomstvodan.
Qazirgi kezde, osy oqıǵaǵa baılanysty Qylmystyq kodekstiń 345-shi babynyń 4-bóligi «kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý sharalary qolǵa alyndy.
