Aýyl • 19 Qazan, 2021

Qaraǵandy oblysynyń úsh aýyly Qazaqstannyń «30 úzdik aýyly» jobasyna endi

78 ret kórsetildi

Qaraǵandy oblysy Nura aýdanynyń Shahterskoe, Qaınar jáne Jańaarqa aýdanynyń Eralıev atyndaǵy aýyldary «30 úzdik aýyl» qatarynda, dep habarlaıdy Egemen.kz.

Joba Qazaqstan Táýelsizdiginiń 30 jyldyǵyna oraı «Tulǵa-dostyq» qoǵamdyq birlestiginiń bastamasymen júzege asyryldy. Onyń aıasynda elimizdiń úzdik aýyldarynyń sýretteri men aqparattary engizilgen albom-anyqtamalyq shyǵaryldy.

Joba avtory – aqyn, QR Jazýshylar odaǵynyń múshesi jáne «Tulǵa-dostyq» qoǵamdyq birlestiginiń jetekshisi Murathan Shoqan.

«Bıyl Qazaqstannyń Táýelsizdigine 30 jyl tolady. Memleket Basshysy Qasym-Jomart Toqaev aıtýly mereıtoıǵa oraı oıyn-saýyq sıpatynda ǵana emes, ózinen keıin de tereń iz qaldyratyn erekshe jobalar jasaýdy tapsyrdy. Osylaısha mende «30 úzdik aýyl» jobasyn qurý ıdeıasy paıda boldy. Men 14 oblystyń ákimdikterine júgindim, olar maǵan eń perspektıvaly aýyldardyń tizimin berdi. Jaz boıy men olardy aralap shyqtym, olardyń damýyn óz kózimmen baǵalap, fotosýretter men basqa da materıaldar jınadym. Baǵalaý úshin halyqaralyq ólshemder qoldanyldy», dep atap ótti Murathan Shoqan.

Avtordyń pikirinshe, úzdik otyzdyqqa Qaraǵandy oblysynyń úsh aýyly – Shahterskoe, Nura aýdanynyń Qaınar jáne Jańaarqa aýdanynyń Eralıev atyndaǵy aýyldary da kirdi.

«Bul aýyldarda jaıly turý úshin barlyq jaǵdaı jasalǵan. Mysaly, Shahterskıı aýylynda jergilikti kásipker jáne mesenat Georgıı Prokop basseın men basqa da nysandardy salýǵa kómektesti. Ol óziniń týǵan aýylynyń ǵana emes, jalpy aýdannyń, tipti oblystyń damýyna baǵa jetpes úles qosady. Jańaarqa aýdanynyń Eralıev aýyly Gınnestiń rekordtar kitabyna endi - onda óndiriletin qymyz bárine belgili. Bul eldi mekende erekshe, dostyq atmosfera seziledi, turǵyndar ulttyq salt-dástúrlerge qurmet kórsetedi», dedi aqyn.

Joba týǵan ólkeniń damýyna baǵa jetpes úles qosqan kórnekti aýyl turǵyndary týraly baıandaıdy.

«Biz birlesip qana aýyldaǵy ómirdi jaqsarta alamyz. Anyqtamalyq albomnyń tusaýkeseri 16 qazanda QR Ulttyq akademııalyq kitaphanasynda ótti. Albom demeýshilerdiń qoldaýymen shyǵaryldy. Taralymy - 2 myń dana. Jaqyn arada onyń elektrondy nusqasy jasalady. Budan basqa, bolashaqta men Nur-Sultanda «30 úzdik aýyl» alleıasyn qurǵym keledi, onda árbir adam óz bastaýlaryna qol jetkize alady, óıtkeni biz bárimiz aýyldan shyqqanbyz. QR-kodtardy skanerleı otyryp, qandaı da bir aýyl týraly aqparat alýǵa jáne onyń ómirimen tanysýǵa bolady», dep qosty joba avtory.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar