Tarıh • 20 Qazan, 2021

Shoqan Ýálıhanovtyń ómiri men murasyna arnalǵan kitap tanystyryldy

94 ret kórsetildi

Nur-Sultan qalasynda tarıhshy Jaras Ermekbaıdyń «Shoqan Ýálıhanovtyń taǵdyry men murasy» atty kitaptyń tusaýkeseri ótti, dep habarlaıdy Egemen.kz.

Týyndy uly qazaq ǵalymy, saıahatshy, etnograf, aǵartýshy Shoqan Ýálıhanovtyń 185 jyldyǵyna arnalǵan.

Týyndyda buǵan deıin kópshilikke belgisiz bolǵan derekter berilgen. Jaras Ermekbaı kitap jazý barysynda QR UǴA Ulttyq Akademııasynyń Ortalyq ǵylymı kitaphanasynda, RF SIM Reseı ımperııasynyń syrtqy saıasat muraǵatynda, Reseı memlekettik tarıhı muraǵatynda jáne t.b. kóptegen zertteý júrgizgen.

Shoqan Ýálıhanovtyń Peterbýrgtiń birneshe úkimettik mekemede, Bas shtabtyń áskerı-ǵylymı komıtetinde, Syrtqy ister mınıstrliginiń Azııa departamentinde jumys istegeni, sondaı-aq sol departament janyndaǵy Joǵary mektepte túrki tilderinen sabaq bergeni belgili. Sondyqtan ómiri jaıly jazylǵan jazba-derekterdiń basym bóligi Reseıde saqtalǵan.

Professor J. Ermekbaıdyń aıtýynsha, ǵalymnyń otbasy jaıly tyń derekter, onyń tálimgerleri, sondaı-aq Ortalyq Qazaqstan men Qyrǵyzstandaǵy ekspedısııalary, Sankt-Peterbýrgte bolǵan kezeńi, Reseı patshalyǵynyń joǵary toptarymen tanysýy týraly qosymsha málimetter de tabylǵan.

Jaras Aqyshuly qazaq aǵartýshysy jaıly málimet jınaýyna 25 jylǵa jýyq ýaqytyn arnaǵan. Degenmen ǵalym bul baǵyttaǵy jumys áli aıaqtalmaǵanyn aıtady.

«Shoqan Ýálıhanovtyń murasy jaıly zertteýjumysy áli aıaqtalǵan joq. Men únemi izdeniste júremin, sebebi áli de bolsyn tabylmaǵan, zerttelmegen materıaldar bar ekenin bilemin, biraq olar bizge qoljetimsiz. Alda áli jumys kóp. Ǵalymnyń ómiri jaıly tyń  ári qyzyq málimetter alamyn dep úmittenemin. Eń bastysy meniń zertteýimniń bir bóligi «QazaqGeography»qoldaýynyń arqasynda jaryqqa shyqty», deıdi «Shoqan Ýálıhanovtyń taǵdyry men murasy» kitabynyń avtory Jaras Ermekbaı.

Týyndy avtory tapqan jańa derekter akademık Álkeı Marǵulan júrgizgen orasan zor eńbekti tolyqtyratynyn atap kórsetedi.

«Shoqan Ýálıhanovtyń taǵdyry men murasy» kitabyn «QazaqGeography» Respýblıkalyq qoǵamdyq birlestigi QR Aqparat jáne qoǵamdyq damý mınıstrligi men «Rýhanı jańǵyrý» KEAQ qoldaýymen basyp shyǵardy.

«Shoqan Ýálıhanovtyń esimi qazaqstandyqtar úshin, onyń ishinde bizdiń birlestik úshin erekshe, kıeli dep aıtýǵa bolady. Bizdiń ómirimiz, ol sııaqty, týǵan jerdi zertteýmen, etnografııamen, tarıhpen jáne geografııamen tyǵyz baılanysty. Sondyqtan da biz bul jobany qýana qoldap, kitaptyń jaryq kórýine kómektestik», deıdi «QazaqGeography» RQB Basqarma tóraǵasy Orman Nurbaev.

Kitaptyń tusaýkeser týry Shoqan Ýálıhanovtyń týǵan jeri Syrymbet aýylynan bastalýy tegin emes. Jaras Ermekbaı eńbeginiń tusaýkeseri taǵy birneshe qalada ótedi. Týyndynyń tusaýkeseri qazaq halqynyń uly ǵalymy jerlengen jer Almaty oblysynda aıaqtalady.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Uqsas jańalyqtar