Álem • 21 Qazan, 2021

Reseı bıligi tálipterdi moıyndaý shartyn atady

263 ret kórsetildi

20 qazanda «Talıban» qozǵalysynyń ókilderi (Qazaqstan men Reseıde tyıym salynǵan) Máskeýge keldi, dep habarlaıdy Egemen.kz.

Máskeýde tálipter syrtqy ister mınıstri Sergeı Lavrov bastaǵan reseılik dıplomattarmen kezdesken. Sondaı-aq, jıynǵa Úndistan, Iran, Qazaqstan, Qyrǵyzstan, Qytaı, Pákistan, Tájikstan, Túrikmenstan jáne О́zbekstan ókilderi de qatysty.

Lavrovtyń aıtýynsha, ol táliptermen Aýǵanstanda jańa úkimet qurý máselesin talqylaǵan.

«Olardyń áskerı-saıası ahýaldy turaqtandyrýǵa, memlekettik apparat qyzmetin jaqsartýǵa baǵyttalǵan kúsh-jigerin eskerý kerek», dep mınıstr Aýǵanstandaǵy bıliktiń aýysýyna fakt retinde qaraý kerek ekenin basa aıtty.

Syrtqy ister mınıstri «Talıban» ókilderimen kezdesý kezinde el aýmaǵy basqa memleketke qarsy qoldanylmaıtyny týraly ýádesin oryndaýǵa shaqyrǵanyn qosty.

Bul rette Reseı prezıdentiniń Aýǵanstan boıynsha arnaıy ókili Zamır Kabýlov Kabýldyń jańa basshylyǵyn adam quqyqtaryn qurmetteýge shaqyrdy. Ol osy jaǵdaıda ǵana tálipterdiń halyqaralyq qoǵamdastyq tarapynan tanylýyna múmkindik alatynyn aıtty.

«Arnaıy ókildiń aıtýynsha, tálipter memlekettik basqarý júıesin jáne adam quqyqtarynyń jaǵdaıyn jaqsartýǵa tyrysatynyna sendirdi. Sonymen qatar ol álemdik qaýymdastyqty aýǵan halqyna kómek kórsetý úshin kúsh biriktirýge shaqyrdy. Aýǵanstandaǵy jańa úkimet bárine birdeı unamaıdy, biraq eger úkimetti jazalasaq, onda barlyq halyqty jazalaǵanymyz», dep túsindirdi Kabýlov.

Máskeý konferensııasynyń qorytyndysy boıynsha oǵan qatysýshylar «Talıban» qozǵalysyn resmı túrde moıyndaýǵa qaramastan, Aýǵanstanmen praktıkalyq yntymaqtastyq ornatýdy jaqtady. Olar «Talıbandy» memlekettik basqarý júıesin jetildirý úshin qosymsha sharalar qabyldaýǵa jáne eldiń barlyq negizgi etnosaıası múddesin kórsetetin ınklıýzıv úkimet qurýǵa shaqyrdy.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar