Is-sharaǵa aýyl sharýashylyǵy mınıstri Erbol Qarashókeev, Parlament Májilisiniń depýtattary, bıznes jáne azamattyq qoǵam ókilderi qatysty.
О́ziniń quttyqtaý sózinde vedomstvo basshysy agrarıı eńbeginiń arqasynda búginde 16 mln tonna astyq pen dándi-burshaqty daqyl jınalǵanyn, bul eldi tolyq qamtamasyz etýge, sondaı-aq eksport naryǵyndaǵy óz pozısııamyzdy saqtaýǵa múmkindik beretinin atap ótti.
«Biz búgin sizderge qurmet kórsetip, óndiris ozattarynyń sletterin ótkizýdiń burynǵy dástúrin jańǵyrtamyz. Osy zamanaýı kórme kesheninde «Rýhanı jańǵyrý» baǵdarlamasy aıasynda ósimdik sharýashylyǵynyń ozyq mamandarynyń sletin ótkizip otyrmyz. Birinshi slettiń búkil halyq úshin mereıli jyl – Qazaqstan Táýelsizdiginiń 30 jyldyǵyn merekeleý jylynda ótip jatqany qýanyshty», dedi mınıstr.
Bıyl otandyq óndiris tehnıkasyn satyp alý kezinde ınvestısııalyq sýbsıdııa 30%-ǵa deıin ulǵaıtyldy. О́zdiginen júretin búrikkishterdi, jemshóp jınaıtyn kombaındardy, qyzylsha jınaıtyn tehnıkany satyp alý kezinde, sondaı-aq kooperatıvterdiń tehnıkany satyp alý kezinde 50% ınvestısııalyq sýbsıdııa qoldanylady.
Shara barysynda Erbol Qarashókeev agroónerkásiptik keshenniń damýyna eleýli úles qosqan sala ókilderin Aýyl sharýashylyǵy mınıstrliginiń qurmet gramotalarymen marapattap, vedomstvolyq nagradalaryn tabystady.
