Tehnologııa • 22 Qazan, 2021

Aqparattyq tehnologııanyń qyr-syryna qanyqty

30 ret kórsetildi

Almatyda «Kórý qabileti nashar jasóspirim­der­diń sıfrly daǵdylaryn damytý» jobasynyń alǵash­qy túlekterine sertıfıkattar tabystaldy. Bul joba – «Jan» múmkindigi shekteýli azamattardyń quqyqtaryn qorǵaý jónindegi Azııalyq qoǵamy» qoǵamdyq birlestigi men BUU Balalar qorynyń (IýNISEF) Qazaqstandaǵy ókildiginiń birlesken bastamasy.

Atalǵan jumys 10-19 jas aralyǵyndaǵy kórý qabileti nashar jasóspirimderdiń sıfrly daǵdylaryn, jumysqa ornalasý múmkindigin, sondaı-aq olardyń arasynda áleýmettik jáne bıznes kásipkerlikti damytý maqsatynda qolǵa alyndy.

Eki aıdan astam ýaqyt boıy jastar sıfrly tehnologııalarmen jumys isteýge, baǵdarlamalar jáne qurylǵylarmen jumys isteýdiń qyr-syryna qanyqty. Taıaý arada joba qatysýshylary IýNISEF, Eńbek jáne halyqty áleýmettik qorǵaý mınıstrligi jáne «Jastar qyzmetkerleriniń qaýymdastyǵy» qoǵamdyq birlestiginiń arnaıy jobalary sheńberinde jumysqa ornalasýǵa jáne kásipkerlikpen aınalysýǵa septigin tıgizetin oqýdan ótedi.

Qatysýshylardyń basym bóligi N.Ostrovskıı atyn­daǵy №4 zaǵıptar men nashar kóretin balalarǵa arnalǵan arnaıy mektep-ınternatynyń balalary. Jobany EPAM Kazakhstan kompanııasy jáne Almaty qalasynyń jastar saıasatyn damytý memlekettik qory qoldaǵan.

«Halyqtyń osal toptarynan shyqqan balalardyń, atap aıtqanda erekshe bilim berýde qajettilikteri bar jastardyń bilim alýda jáne jańa daǵdylardy úırenýge múmkindigi shekteýli ekeni jasyryn emes. Bizdiń mindetimiz – osy jaǵdaıdy ózgertý jáne túrli sebepterge baılanysty basqalarmen teń dárejede ósýge jáne damýǵa múmkindigi joq balalardyń quqyqtaryn qorǵaýǵa kepildik berý», dedi IýNISEF-tiń Qazaqstandaǵy О́kili Artýr van Dızen.

Osy kýrstan sátti ótken jastar tıesili sertıfıkattaryna qol jetkizip, tyń tehnologııalar arqyly kózdegen maqsattaryn júzege asyrýǵa kirisedi.

«Maqsaty bar jastar úshin qazir alǵa qaraı umtylý, ózin ózi tabý jáne boıyndaǵy talantty ashý men damytý mańyzdy. Dese de kez kelgen iste eń bastysy, ózine degen senimdi joǵaltpaý. Bul joba balalardyń armandarynyń oryndalýyna kómektesedi dep úmittenemiz», dedi Almaty qalasynyń jastar saıasatyn damytý memlekettik qorynyń dırektory Alma Aýǵanbaeva.

Endi balalar smartfondaǵy arnaıy navıgatordyń kómegimen táýelsiz bolyp, sıfrly formattaǵy qalaǵan ónimge jáne qyzmetke qol jetkize alady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar