Sadyr Japarov Shekara qyzmetiniń áskerı qyzmetshilerin tehnıka alýymen quttyqtap, azamattardyń, eldiń qaýipsizdigin qamtamasyz etý jáne memlekettik shekaralardy kúzetý úshin Qarýly Kúshterdiń materıaldyq-tehnıkalyq bazasyn jaqsartýdyń mańyzdylyǵyn atap ótti.
«Eger shekara tynysh bolsa, ol qorǵaýda bolǵany. Ol kezde azamattar da tynysh uıyqtaı alady. Eger shekara álsiregen bolsa, al shekarashylarda qajetti materıaldyq-tehnıkalyq múmkindik bolmasa, onda eldegi turaqtylyq týraly aıtyp kerek emes», dedi Japarov.
Sonymen qatar, ol «bul qaqtyǵysqa daıyndyq emes, eldiń qaýipsizdigin saqtaýǵa daıyndyq» ekenin atap ótti.
«30 jyl ishinde eshkimmen qaqtyǵysqan emespiz. Qolymyzdaǵy qarýmen bóten aýmaqtardy basyp almadyq. Aldaǵy ýaqytta da mundaı bolmaıdy. Al eger bizdiń aýmaǵymyzdy basyp alýǵa tyrysatyndar tabyla qalsa, onda jaýap qatal bolady», dedi Japarov.
