Almatyda búgin, 22 qazanda qar jaýyp, aýa raıy kúrt nasharlap ketti. Saldarynan joldarda jazataıym oqıǵalar kóbeıip, áleýmettik jelilerde jol apaty týraly derekter jarııalanyp jatyr.
Almaty polısııasy júrgizýshilerdi aýa raıy qolaısyzdyǵyna baılanysty qaýipsizdik sharasyn kúsheıtýge shaqyrdy.
«Úndeý qaýip joǵary kólik quralyn paıdalanatyn qala júrgizýshilerine arnalǵan. Olardy jol qozǵalysy erejelerin qatań saqtaýǵa, kólik júrgizý mádenıetin jáne uqyptylyqty arttyrýǵa shaqyramyz. Bul úndeý qazir ózekti jáne jol apatynyń aldyn alýǵa kómektesedi», dedi Almaty qalasynyń Ákimshilik polısııa basqarmasy bastyǵynyń orynbasary Bolatbek Baıatanov.
