Jańa vırýspen kúres jónindegi federaldy jedel shtaby taratqan aqparatqa qaraǵanda, pandemııa bastalǵaly beri vırýstan barlyǵy 229 528 adam kóz jumdy. Shartty ólim úlesi – 2,8%.
Atap aıtqanda, bir táýlikte Máskeýde 82, Sankt-Peterbýrgte 67, Krasnodar ólkesi men Nıjegorod oblysynda 42-den, Bashqurtstanda 35, Rostov, Sverdlov oblystary men Stavropol ólkesinde 34 adamnan qaıtys boldy.
Jańa jaǵdaılar sany bir táýliktiń ishinde 37 678-ge ósip, 8 205 923-ke jetti. Bul pandemııanyń basynan bergi eń joǵary kórsetkish. Osylaısha, elde koronavırýs juqtyrǵandar sany boıynsha rekord qatarynan úsh ret jańaryp otyr.
Aýrý juqtyrǵandar úlesi 0,46%-ǵa artty. Atap aıtqanda, bir táýliktiń ishinde Máskeý oblysynda 2 783, Samara oblysynda 997, Nıjegorod oblysynda 761, Voronej oblysynda 729, Bashqurtstan Respýblıkasynda 667 jaǵdaı tirkeldi. Shtab derekterine saı, belsendi jaǵdaılar sany 833 318-ge ósken. Al jazylyp shyqqandar sany bir táýliktiń ishinde 26 077-ge ósip, 7 143 137-ge jetti.
Jazylyp shyqqan naýqastar úlesi 87%-ǵa deıin tómendegen. Atap aıtqanda, Máskeýde aýrýdy jeńgender sany 3 986, Sankt-Peterbýrgte 2 887, Máskeý oblysynda 2 333, Qyrymda 823, Samara oblysynda 752, Bashqurtstan men Ýlıanov oblysynda 649 pen 630-ǵa kóbeıgen. Máskeýdiń ózine keler bolsaq, onda koronavırýs juqtyrǵandar sany bir táýliktiń ishinde 7 803-ke ósip, 1 761 650-ge jetken. Bir kún buryn bul kórsetkish 8 166 bolǵan. Juqtyrǵandar úlesi – 0,45%. Al qaıtys bolǵandar sany bir táýlikte 82-ge ósti, bir kún buryn bul kórsetkish 79 bolǵan.
Barlyǵy qalada 30 619 adam (juqtyrǵandardyń 1,74%-y) qaıtys bolǵan, delingen shtab derekterinde.
Shtabtyń habarlaýynsha, qazirgi kezde el astanasynda 174 310 adam em alyp jatyr.
