Elimizde aıaq kıim óndirýmen nemese satýmen aınalysatyn kásipkerler 1 qarashaǵa deıin taýarlaryn mindetti sıfrlyq tańbalaýǵa daıyndalýy qajet. Ol úshin óndirýshiler, ımporttaýshylar jáne bólshek satýshy zańdy tulǵanyń nemese jeke kásipker ESQ-ny paıdalanyp, tańbalaý júıesine tirkelýi tıis, dep habarlaıdy Egemen.kz.
Ol úshin elektrondyq poshta men telefon nómiri kórsetilip, qalǵan barlyq derekter ESQ-men jasalady.
О́ndirýshi jáne ımporttaýshyda GTIN (qaptamanyń shtrıh-kody) bar bolsa, júıede jumysty bastaı alady. «Taýarlardyń ulttyq katalogy» bólimine kirip, «Sýbakkaýnt» bólimindegi profıl ólshemderindegi óndirýshi týraly derekterdi toltyrady jáne taýardy «Tutynýshylyq qaptama» bóliminde tirkeı alady. Al eger GTIN bolmasa, olar GS1 Kazakhstan qaýymdastyǵyna kirýi kerek.
Qazirdiń ózinde «Tapsyrystardy basqarý stansııasy» bóliminde taýardyń ár danasyna tańbalaý kodtaryna tapsyrys berýge, olardy PDF nemese CSV formatynda túsirip, kez kelgen prınterde basyp shyǵarýǵa jáne qorapqa, aıaq kıimge nemese taýar belgisine qoldanýǵa bolady.
О́ndirýshiler aıaq kıimdi satýǵa shyǵarǵanǵa deıin óndiriste, ımporttaýshylar – daıyndaýshy zaýytta nemese QR keden qoımalarynda tańbalaıdy.
1 qarashadan bastap Qazaqstanda tańbalanbaǵan aıaq kıim óndirýge jáne ımporttaýǵa tyıym salynady. Ondaı aıaq kıim qaldyqtaryn 2022 jyldyń 1 sáýirine deıin satýǵa bolady, sodan keıin sórelerde tek sıfrlandyrylǵan aıaq kıim bolýy tıis.
Aqpáterdegi ınnovasııalyq joba
О́nim • Keshe
Ǵalym • Keshe
Tulǵa • Keshe
Bilim • Keshe
Qoǵam • Keshe
Qazaqstan • Keshe
Uqsas jańalyqtar
Onlaın 
