Sábıi shetinegen analarǵa súıeý bolmaq

Almatyda qashyqtan baqylaý ar­qyly bastapqy medısınalyq-sanı­tarlyq kómek kórsetý deńgeıinde táýe­kel tobyndaǵy júkti áıelderge monıtorıng júrgizý úshin aýdandarda­ǵy úılestirýshiler qalanyń bas akýsher-gınekologyn taǵaıyndap, júkti áıelderge medısınalyq kómektiń sapasyn arttyrý mindetin júktep otyr. Iаǵnı áıelder konsýltasııasy jáne otbasyn josparlaý kabınetteriniń jumysyna monıtorıng júrgiziledi. Sondaı-aq júkti áıelderdi baǵyttaý algorıtmderi jáne tótenshe jaǵdaı­lar kezindegi áreketter jasaldy. Birin­­shi basshylardyń jeke jaýapkershiligi kúsheıtildi. Kópbeıindi stasıonarlardy bosandyrý uıymdarymen klas­t­er formatynda biriktirý jos­par­lanǵan.

Perzenthanalarda kadrlar tapshy­lyǵyn joıý jáne olardyń biliktiligin arttyrý maqsatynda rezıdentýrada 2021-2023 oqý jyldary 6 akýsher-gınekolog, 2022-2024 jyldary 4 maman arnaýly daıarlyqtan ótedi.

Qala ákimi Baqytjan Saǵyn­taev perzenthanalardyń materıal­dyq-tehnıkalyq bazasyn jaq­sar­tý minde­tin alǵa qoıdy. Bul úshin bıyl jáne kelesi jyldary qajetti jab­dyqtar satyp alynyp, 2023-2024 jyl­dary perzenthanalarǵa zamanaýı sorý-syrtqa taratý jeldetkishin ornata otyryp, kezeń-kezeńimen rekonstrýksııalaý qarastyrylǵan.

Sol sııaqty perınataldyq joǵaltý jaǵdaıynda psıhologııalyq jáne bas­qalaı kómek beretin telegram-chat iske qosyldy. О́ıtkeni ómirge jańa adamdar kelýimen qatar, bala ólimi nemese perınataldyq joǵaltýlar kezeńderi jaıly estip jatamyz. Sha­ra­nadan aıyrylý – ata-analarǵa, ásirese, áıel adamdarǵa óte aýyr qasi­ret. Osy­nyń saldarynan qaıǵyly jaǵdaı oryn alýy múmkin. Máselen, psı­holo­gııa­lyq turǵyda kúızelis, toryǵý nemese aınaladaǵy taǵy basqa faktorlar moraldyq turǵyda anaǵa keı jaǵ­daıda keri áserin tıgizip jatady.

Osyndaı jaǵdaılarǵa baıla­nysty Almaty qalasy Medeý aýdanynyń «Baqytty otbasy» áleýmettik ortalyǵy máseleni sheshý jolynda qazan aıynda ortalyqta arnaıy qurylǵan telegram-chattyń tusaýkeserin ótkiz­gen edi. Bul basqosýdy paıdala­nyp, «Qalalyq perınataldyq orta­lyq» dırektorynyń neonatologııa jónindegi orynbasary Gúlaıym Baı­ta­natova, klınıkalyq psıholog Elena Akchalova, №2 «Balalar úıiniń» dırektory Látıpa Qojamqulova men Medeý aýdany «Baqytty otbasy» áleýmettik ortalyǵynyń jetekshisi Tolqyn Sametova osy taqyrypty analarmen birge talqylady.

Kezdesý kezinde jańa týǵan sábı­lerdiń shetineýi, osyndaı jaǵdaıǵa dýshar bolǵan áke-sheshelerge bot arqyly psıhologııalyq jáne dárigerlik kó­mek berý, ana ataný jolyndaǵy uqyp­ty ári sapaly psıhologııalyq súıemeldeý, ananyń ózin qaýipsizdik sezinýi máseleleri qaraldy. Iаǵnı osy máselelerdi sheshýde basty kó­mekshi qural retinde telegram-chat­tyń engizilýi kózdelgen. О́ıtkeni qosymshadaǵy psıhologpen nemese dárigermen 24/7 táýlik boıynsha konsýltasııa alý jáne onyń anonımdi bolýy – taptyrmas qural. Sondaı-aq osynaý bastama chatty qoldanýshynyń turǵylyqty mekenjaıy, materıaldyq jaǵdaıyna qaramaı, sapaly ári óte paıdaly qoldaý alýǵa kómek berýdi kózdeıdi.