«Memleket basshysy óz Joldaýynda osy máseleni bir jylda pysyqtaýdy tapsyrdy. Qazir biz bul jóninde belsendi jumys istep jatyrmyz. Iаǵnı, bizdiń jumysymyz – osyndaı jobalardy iske asyrý úshin qajetti krıterıılerdi eskere otyryp, el aýmaǵynda AES salatyn oryndy anyqtaý. Biz sondaı-aq halyqaralyq sarapshylarmen, sonyń ishinde tehnologııa, qýat boıynsha konsýltasııalar júrgizýdemiz. Bizde tapshylyq bola ma, eger bolsa, qaı jyly jáne qandaı kólemde bolatynyn anyqtaý úshin elektr tutyný men elektr óndirisiniń teńgerimine qaraımyz. Bul jumystardyń barlyǵy qazir keshendi túrde júrgizilýde», dedi Murat Júrebekov Ortalyq kommýnıkasııalar qyzmetinde ótken baspasóz máslıhatynda.
Sonymen birge, spıker AES-ke qatysty máseleler halyqaralyq sarapshylarmen birge talqylanatynyn atap ótti. Onyń aıtýynsha, bir jyl ishinde vedomstvo máseleni odan ári iske asyrý boıynsha óz paıymyn usynady.
