Qoǵam • 28 Qazan, 2021

«Jýsan» operasııasy: 77 áıel radıkaldy kózqarasyn ózgertti

49 ret kórsetildi

«Jýsan» operasııasynyń nátıjesinde qazaqstandyq 77 áıel radıkaldy ıdeologııadan óz erkimen bas tartty. Bul týraly QR Terrorızmge qarsy ortalyq shtabynyń bólim basshysy Janarbek Jańabaev málim etti, dep habarlaıdy Egemen.kz.

«Sırııada terrorıstik uıymdardyń qurbany bolyp, «Jýsan» operasııasynyń arqasynda qutqarylǵan birqatar otandastarymyz týraly bilesizder. Atalǵan operasııa aldynda daıyndyq jumystary júrgizildi. Arnaıy top Sırııaǵa baryp jaǵdaıdy baqylaýdy, onyń jospary ázirlendi. «Jýsan» operasııasy arqyly barlyǵy 607 qazaqstandyq elge oraldy. Onyń ishinde 37 er, 157 áıel jáne 413 bala (sonyń ishinde 34 jetim bala) elge jetkizildi.

Sonymen qatar 59 adam qylmystyq jaýapqa tartyldy. Qazaqstanǵa kelgen soń otandastarymyzdy beıbit ómirge beıimdeý sharasy ótkizildi. Nátıjesinde 88 áıel ıslamdy qaıta qabyldap, 77 áıel radıkaldy ıdeologııadan bas tartty»,  dedi Janarbek Jańabaev «Kazakhstan Security Systems -2021» atty respýblıkalyq konferensııa barysynda.

Onyń aıtýynsha, «Jýsan» operasııasyna kóptegen elder qyzyǵýshylyq tanytyp jatyr.

«Bizdiń tájirıbemizge qyzyǵýshylyq tanytyp jatqan biraz elder bar. Qazaqstanda terrorızmge qarsy jáne aldyn alýǵa qatysty sharalar memlekettik deńgeıde 2000 jyldary qolǵa alyndy. Sodan beri 20 jyldan astam ýaqyttyń ishinde memlekettik deńgeıdegi sheshimder óz nátıjesin berip otyr. Terrorızmmen kúreste barlyq memlekettik jáne quzyrly organdar ózara tyǵyz baılanysta jumys istep keledi», deıdi ol.

Aıta keteıik, búgin elordada terrorıstik qaýip-qaterge qarsy kúres taqyrybyna arnalǵan 8-shi respýblıkalyq konferensııa ótip jatyr. Atalǵan sharada qaýipsizdikti nyǵaıtý salasyndaǵy búgingi ahýal men tendensııalar ortaǵa salynýda. 

Sońǵy jańalyqtar

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar