Pavlodar oblystyq PD baspasóz qyzmetiniń habarlaýynsha, 28 qazan kúni saǵat 17:15-te Sharbaqty aýdany Hmelnıskoe aýylynyń mańynda 35 jastaǵy motosıkl júrgizýshisi rýldi basqara almaı, aýdarylyp ketken.
«Jol-kólik oqıǵasy saldarynan motosıkldiń 46 jastaǵy jolaýshysy alǵan jaraqatynan oqıǵa ornynda kóz jumdy», delingen PD habarlamasynda.
Motosıkl arnaıy aıyp turaǵyna qoıyldy. Jol-kólik oqıǵasy boıynsha tekserý júrgizilýde.
Aıta ketý kerek, jyl basynan beri Pavlodar oblysynyń aýmaǵynda 451 jol-kólik oqıǵasy tirkelgen, sonyń saldarynan 38 adam qaza taýyp, 676 adam jaraqat alǵan.
