Alǵashqy eki qaıǵyly oqıǵa Semeı qalasynyń mańynda qala syrtyndaǵy tas jolda boldy.
«Osy jyldyń 28 qazanynda saǵat 18:15-te qala mańyndaǵy avtojolda «Volkswagen» markaly avtokóliktiń 21 jastaǵy júrgizýshisi 2012 jyly týǵan, kámeletke tolmaǵan jaıaý júrginshi balany qaǵyp ketti, ol alǵan jaraqattarynyń saldarynan oqıǵa ornynda kóz jumdy. Bala jalǵyz júrgen.
Sol kúni, keshki ýaqytta «Semeı-Talısa» baǵytyndaǵy avtojolda 66 jastaǵy «PAZ» markaly avtobýstyń júrgizýshisi joldyń júris bóliginde turǵan 45 jastaǵy er adamdy qaǵyp ketti. Zardap shekken adam alǵan jaraqatynan oqıǵa ornynda kóz jumdy», delingen ShQO PD baspasóz qyzmeti taratqan habarlamada.
Úshinshi JKO Pavlodar oblysyna 1 km jetpeı «Omby-Maıqapshaǵaı» avtojolynda tirkeldi, onda «Honda» markaly avtokóliginiń júrgizýshisi jyldamdyq rejıminiń asyp ketýinen rólge ıe bola almaǵan, nátıjesinde kólik aýdarylǵan. Alǵan jaraqattan júrgizýshi de, kólikte bolǵan eki jolaýshy da oqıǵa ornynda til tartpaı ketti.
«Árbir fakti boıynsha QR QK-niń 345-baby 3 jáne 4-bóligi boıynsha (kólik quraldaryn basqaratyn adamdardyń abaısyzda adam ólimine ákep soqqan jol qozǵalysy erejelerin buzýy) sotqa deıingi tergeý áreketteri bastaldy. Joǵaryda atalǵan JKO-nyń birinde jas bala qaıtys bolǵan, onyń ólimine kináli jas jigit QR QIJK-niń 128-babynyń tártibimen ÝUI-na qamaýǵa alyndy. Zardap shekkenderdiń otbasyna qaıǵyryp kóńil aıtamyz. Qazir qylmystyq ister aıasynda obektıvti tergeý qamtamasyz etilýde, tergeý áreketteri jalǵasýda, sot saraptamalary taǵaıyndaldy», deıdi ShQO PD bastyǵy Saǵat Madıev.
Sondaı-aq, óńirde jol qozǵalysy qaýipsizdigi máselelerine erekshe kóńil bólinetinin aıta ketý qajet. Jyl basynan beri polıseıler:
- júrgizýshilerdiń jol qozǵalysy erejelerin saqtamaýyna baılanysty 200 myńǵa jýyq túrli quqyq buzýshylyqtyń jolyn kesti;
- kólik quraldaryn alkogoldik nemese esirtkilik mas kúıinde basqarǵan, keıinnen kólik júrgizý quqyǵynan aıyrylǵan 1 372 júrgizýshi ustaldy;
- QR QK-niń 346-baby boıynsha kólik quraldaryn mas kúıde basqarǵan, buryn sotpen osyndaı quqyq buzýshylyqtar úshin kólik júrgizý quqyǵynan aıyrylǵan 110 adam anyqtalyp, qylmystyq jaýapkershilikke tartyldy;
- ýákiletti organdarǵa oryn alǵan kemshilikterdi joıý úshin 4 myńnan astam uıǵarym joldandy jáne jol ınfraqurylymymen jáne jol qozǵalysy qaýipsizdigin uıymdastyrýmen baılanysty buzýshylyqtar, jalpy alǵanda, ártúrli ákimshilik jaýapkershilikke 222 laýazymdy tulǵa tartylǵan;
- - JKO-nyń aldyn alý maqsatynda respýblıkalyq jáne jergilikti qozǵalys tas joldarynda qaraýsyz jaıylyp júrgen 16 myńnan astam janýar aıdalyp, «mal turaǵyna» ornalastyryldy, bul rette olardyń 6 myń ıesi QR ÁQBtK-niń 408-baby boıynsha ákimshilik jaýapkershilikke tartyldy.
Budan basqa, Polısııa departamentiniń bastamasy boıynsha qalalar men ózge de eldi mekenderde jol tósemderin qaıta jańartý júrgizilýde, búgingi kúni 145 myń sharshy metr jol tańbalary, 1 myń metr shý jolaqtary salyndy, qosymsha 74 jaryqdıodty belgi jáne 7 jańa baǵdarsham nysany ornatyldy.
