COVID-19 úshin PTR testi oń nátıjesin bergen almatylyqtar qoǵamdyq oryndarǵa baryp, «ASHYQ» boıynsha jumys isteıtin nysandarda – HQO, meıramhana, fıtnes-ortalyqtar, áýejaı, kınoteatrlar, kompıýterlik klýbtar, balabaqshalar, qonaq úıler, sulýlyq salondary, boýlıngter, avtoortalyqtar jáne t.b. oryndardyń qyzmetterin paıdalanýǵa tyrysty. «Qyzyl statýsy» anyqtalǵan turǵyndar «ASHYQ» jobasy boıynsha jumys isteıtin obektilerge jiberilmedi.
«О́zin-ózi oqshaýlaý rejımin buzatyn turǵyndar saýda, qarjy naryǵy, áleýmettik qyzmetter, qoǵamdyq tamaqtaný, keńse uıymdary, áleýmettik salalary, bilim berý uıymdary, bankter jáne basqa da nysandardyń qyzmetkerleri bolyp sanalady.
Sondyqtan ambýlatorııalyq emdelip jatqan qala turǵyndaryn ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilik tanytýǵa shaqyramyz. Vırýs juqtyrǵan adamdarmen baılanysta bolǵan tulǵalar ózin-ózi oqshaýlaý rejımin saqtaýy jáne basqa adamdarǵa juqtyrmas úshin adamdar kóp jınalatyn oryndarǵa barmaýlary tıis», delingen vedomstvo habarlamasynda.
