Erbol qazaq tili kabıneti mekteptegi Abaı kitaphanasy, Alash tarıh kabıneti, Muhtar májilis zaly, Maǵjan dárishanasy, Shoqyr sport zaly, Qaıym murajaıynan keıingi tulǵa atymen atalatyn kezekti kabınet. Atalǵan kabınetterdiń bári «Urpaqtar sabaqtastyǵy» dep atalatyn úlken jobanyń quramdas bóligi. Abaı-Alash-Muhtar-Qaıym-Erbol tizbegi – býyndar jalǵastyǵymen úzilmeı kele jatqan ulttyq ıdeıanyń, alash rýhynyń sabaqtastyǵyn aıqyndaıdy. Mektep óz mıssııasyna «ulttyq tárbıe, tól tanym, qazaqy qundylyq» ustanymyn ustyn ete otyryp, alash zııalylarynan qalǵan asyl murany jańǵyrtýdy kózdeıdi. Maǵjan, Júsipbekterden jetken ulttyq pedagogıkany tuǵyr retinde ustanady.
Atalǵan qazaq tili kabıneti belgili qoǵam qaıratkeri, ulaǵatty ustaz, bilikti basshy, abaıtanýshy, qaıymtanýshy ǵalym, «QR Bilim berý isiniń qurmetti qyzmetkeri», «Eren eńbegi úshin» medaliniń, «QR Táýelsizdiginiń 20 jyldyǵy», «Til janashyry» tósbelgileriniń ıegeri jáne «Halyq súıiktisi» respýblıkalyq baıqaýynyń jeńimpazy Erbol Islámuly Irgebaıdyń atyna berilip otyr.
«Erbol Islámuly – sanaly ǵumyryn urpaq tárbıesine arnaǵan ustaz. Ol sondaı-aq astanadaǵy oqý isin uıymdastyrýda da eleýli úles qosqan qaıratker. Atap aıtqanda, Álkeı Marǵulan atyndaǵy №40 mektep, ál-Farabı atyndaǵy oqýshylar saraıy, Qaıym Muhamedhanov atyndaǵy №90 gımnazııa qatarly oqý oryndary men arnaýly mekemelerde basshylyq qyzmet atqaryp, osy mekemelerdiń qazirgi atalyp otyrǵan tulǵalarynyń esimin alýyna tikeleı yqpal etti. Bala tárbıesiniń baǵbany 2021 jyly sońǵy jumys orny №90 gımnazııany basqaryp turǵan mezgilde dúnıeden qaıtty», deıdi uıymdastyrýshylar.
Sharaǵa Nur-Sultan qalasy Bilim basqarmasynyń basshylary, astanadaǵy orta oqý oryndarynyń dırektorlary jáne ǵalymdar men qoǵam qaıratkerleri, E.Irgebaıdyń jary Qymbat Muqanqyzy men ózge de týǵan-týystary qatysty. Sonymen birge E.Irgebaı ómiri men ónegesin arqaý etken derekti fılm kórsetildi.
