Qazaqstan Respýblıkasy Parlamenti Senatynyń depýtattary Baqytjan Jumaǵulov pen Dınar Nóketaeva TMD PAA turaqty komıssııalarynyń otyrystaryna qatysty, dep habarlaıdy Egemen.kz. QR Parlamenti Senatynyń baspasóz qyzmetine silteme jasap.
Baqytjan Jumaǵulov birqatar zańnamalyq aktilerdi, sondaı-aq komıssııada qolǵa alynǵan basqa da qujattardy Ǵylym jáne bilim jónindegi komıssııa otyrysynda áriptesterimen birge talqylady. Parlamentshiler «Ǵylym jáne tehnologııalar salasyndaǵy zııatkerlik qyzmet nátıjelerin kommersııalandyrý týraly», «Ǵylymı jáne ǵylymı-tehnıkalyq qyzmet sýbektilerin memlekettik attestattaý (akkredıtteý) týraly» úlgi zańdardyń jobalaryn jáne «Ǵylymı jáne ǵylymı-tehnıkalyq saraptama týraly» úlgi zańǵa ózgerister jobasyn qarady.
Otyrysta ǵylym jáne bilim berý salasyndaǵy úlgi zańnyń keleshek baǵyttary boıynsha usynymdar, sondaı-aq bilim berý salasyndaǵy sıfrlandyrýdy normatıvtik retteý týraly da sóz boldy.
Senator Dınar Nóketaeva óz kezeginde Táýelsiz Memleketter Dostastyǵynyń 30 jyldyǵyna arnalǵan dóńgelek ústel jumysyna qatysty. Depýtat óz sózinde osy kezeńde TMD alańynyń arqasynda birlestikke qatysýshy memleketterdiń yntymaqtastyǵyn kúsheıtý jáne ózara is-qımylyna qarqyn berý úshin kóptegen ister atqarylǵanyn atap ótti.
«Táýelsiz Memleketter Dostastyǵy óziniń 30 jyldyq tarıhynda postkeńestik keńistiktiń túrli baǵyttarynda, onyń ishinde mádenı-gýmanıtarlyq salada ózara tıimdi yntymaqtastyq pen teń quqyly memleketaralyq dıalog úshin jetekshi alańǵa aınaldy. 30 jyl boıy yntymaqtastyq tetikterin únemi jetildirý, olardyń tıimdiligin arttyrý árbir qatysýshy memleketke mádenı-gýmanıtarlyq keńistik qurýda negiz qalaýshy qaǵıdattardy, ádister men praktıkalyq quraldardy ázirleýge múmkindik berdi», - dedi senator.
Sýretti túsirgen E.Úkibaev
Aqpáterdegi ınnovasııalyq joba
О́nim • Keshe
Ǵalym • Keshe
Tulǵa • Keshe
Bilim • Keshe
Qoǵam • Keshe
Qazaqstan • Keshe
Uqsas jańalyqtar
Onlaın 
