Qondyrǵylardy tapsyrý Premer-Mınıstrdiń orynbasary Eraly Toǵjanovtyń, «ArselorMıttal Temirtaý» AQ bas dırektory Bıdjý Naırdiń, sondaı-aq taý-ken baǵytynyń atqarýshy dırektory Djelson Batısttiń jáne atqarýshy dırektor Álisher Ábenovtiń qatysýymen ótti.
Kompanııa kólemi 528 lıtr bolatyn 4 stasıonarlyq tońazytqysh, kólemi 100 lıtrlik 43 stasıonarlyq tońazytqysh, sondaı-aq vaksına tasymaldaýǵa arnalǵan 54 portatıvti termokonteıner satyp aldy. Jabdyqtyń jalpy quny 180 mln teńgeden asady.
Konteınerlerdiń árqaısysy GPS-trekermen jabdyqtalǵan. Jabdyq vaksınany -86 gradýsqa deıin qajetti temperatýrada tasymaldaýǵa jáne saqtaýǵa múmkindik beredi. Mundaı jaǵdaılarda preparat alty aıǵa deıin óziniń qasıetterin saqtaıdy.
«Qaraǵandy oblysy – «Arselor Mıttal Temirtaý» kompanııasynyń qarjylyq qoldaýynyń arqasynda tońazytqyshpen jabdyqtalǵan elimizdegi alǵashqy óńirlerdiń biri. Oblystyń árbir qalasy men aýdan ortalyǵy Pfizer vaksınasyn saqtaýǵa arnalǵan muzdatqyshtarmen tolyq qamtamasyz etiledi. «Sýyq» tizbekti saqtaý – bul osy vaksına boıynsha qoıylatyn negizgi talap. Qajetti tońazytqysh jabdyqtardy jedel jetkizgeni úshin «Arselor Mıttal Temirtaýǵa» alǵysymyzdy bildiremiz», dep atap ótti Premer-Mınıstrdiń orynbasary Eraly Toǵjanov.
«Bul pandemııanyń ekono-
mıkaǵa, bızneske jáne halyqqa tıgizetin áserin baǵalaý qıyn. Biraq biz teńdessiz daǵdarys jappaı qoldaýdy talap etetinine senimdimiz. Bizdiń áleýmettik-jaýapty kompanııa retindegi mindetimiz – aımaq ekonomıkasyn qalpyna keltirýge kómektesý, sondaı-aq pandemııaǵa baılanysty jańa synaqtarǵa tolyq daıyn bolý», dedi «ArselorMıttal Temirtaý» AQ bas dırektory Bıdjý Naır.
«Kompanııanyń birinshi kezektegi mindeti – qyzmetkerlerimizdiń densaýlyǵyn saqtaý jáne qaýipsizdigin qamtamasyz etý. Kompanııa qyzmetkerlerdi qorǵaýǵa baǵyttalǵan Qazaqstan Respýblıkasynyń sanıtarlyq normalaryna sáıkes jumys isteıdi. Áleýmettik jaýapty kásiporyn bolǵandyqtan biz óńir halqyn qoldaýǵa baǵyttalǵan bastamalardy árdaıym qoldaımyz», dep atap ótti AMT atqarýshy dırektory Álisher Ábenov.
Aldaǵy aptada «ArselorMıttal Temirtaý» kompanııasynyń qyzmetteri muzdatqysh jabdyqty oblystyq vaksına qoımasyna jáne oblystyń barlyq óńirine jetkizýdi qamtamasyz etedi.
