«2021 jylǵy III toqsanda bir qyzmetkerdiń ortasha aılyq ataýly jalaqysy 243 667 teńgeni qurady. Ataýly jalaqy ındeksi 2020 jyldyń tıisti toqsanyna 119,3%, al naqty jalaqy ındeksi 109,8% qurady», delingen statıstıkalyq málimette.
Eń úlken ataýly jalaqy tirkeldi:
- taý-ken óndirý ónerkásibi jáne karerlerdi qazý salasynda tirkeldi – 501,0 myń teńge (ortasha respýblıkalyq deńgeıden 2,1 ese joǵary);
- qarjy jáne saqtandyrý qyzmetinde – 452,8 myń teńge (1,9 esege joǵary);
- kásibı, ǵylymı jáne tehnıkalyq qyzmette – 369,5 myń teńge (1,5 esege joǵary);
- aqparat jáne baılanys salasynda – 331,1 myń teńge (1,4 esege joǵary).
Al eń tómengi ataýly jalaqy tirkeldi:
- sýmen jabdyqtaý; qaldyqtardy jınaý, óńdeý jáne joıý, lastanýdy joıý qyzmetkerlerinde - 154,9 myń teńge;
- aýyl, orman jáne balyq sharýashylyǵy salasynda – 167,5 myń teńge.
О́ńirler boıynsha eń joǵarǵy ortasha eńbekaqy Atyraý oblysynda belgilendi – 419,1 myń teńge, bul ortasha respýblıkalyq kórsetkishten shamamen 1,7 ese joǵary.
Túrkistan oblysynda munyń shamasy 181,1 myń teńgeni qurady, bul el boıynsha ortasha deńgeıden 25,7% tómen.
Aıta keteıik, halyqaralyq standarttarǵa sáıkes bir qyzmetkerdiń ortasha aılyq ataýly jalaqysy qosymsha aqylardy, ústemeaqylardy, syıaqylardy, sondaı-aq salyqtardan basqa da ustalymdardy (tabys salyǵy, mindetti zeınetaqy jarnalaryn) esepke ala otyryp qalyptastyrylady.
