1991 jyly dúnıege kelgen. Bilimi joǵary. Tarıh jáne quqyqtaný mamandyqtary boıynsha L.N.Gýmılev atyndaǵy EUÝ, Qorqyt Ata atyndaǵy QMÝ túlegi. Saıasattaný boıynsha áleýmettik ǵylymdar magıstri.
Eńbek jolyn 2012 jyly QR IIM «Saqshy» gazetinde tilshi bolyp bastaǵan. 2013-2015 jj. Áskerı strategııalyq-zertteýler ortalyǵynda prezıdent kómekshisi, jetekshi maman, Nur Otan partııasy elordalyq fılıalynyń baspasóz hatshysy laýazymdarynda boldy.
2016 jyly «Qazkontent» AQ ótkizgen respýblıkalyq konkýrs nátıjesinde National Digital History of Kazakhstan jobasynyń jetekshiligine taǵaıyndalǵan. 2018 jylǵa deıin atalmysh jobanyń bas redaktory, keıinnen «Ádebıet portalynyń» jetekshiligin qosa atqarǵan.
2019-2021 jyldary QR Tuńǵysh Prezıdenti – Elbasy kitaphanasynyń aǵa sarapshysy, Qaraǵandy oblysy ákimdiginiń Saryarqa Aqparat medıa holdınginiń dırektory boldy. Memlekettik qyzmettegi jumysyn QR Syrtqy ister mınıstrliginiń 3-shi hatshysy laýazymynan bastady.
Jýrnalıstıka salasy boıynsha Memlekettik «Daryn» jastar jáne tuńǵysh ulttyq «Úrker» syılyǵynyń, Nur Sunqar – 2021 baıqaýlarynyń laýreaty. Bolgarııa, Reseı elderinde tájirıbeden ótken.
Túrli taqyryptaǵy ǵylymı jáne pýblısıstıkalyq eńbekteri birqatar otandyq basylymdar men Ońtústik Koreıa, Ýkraına, Reseı elderinde jarııalanǵan. Sheteldegi etnıkalyq qazaqtardy qoldaý jónindegi 2018 - 2022 jyldarǵa arnalǵan is-sharalar josparyn bekitý týraly Úkimet Qaýlysyna engen «Qıyrdaǵy qazaqtar» jobasyna jetekshilik etip, 8 eldi qamtyǵan derekti fılm túsirýge úles qosty.
«Habar 24» jáne «Habar» arnalarynda avtorlyq baǵdarlama júrgizgen. Otbasyly.
