Aqparat jáne qoǵamdyq damý mınıstri Aıda Ǵalymqyzynyń «Balaevaǵa 3 suraq» baǵdarlamasyna bergen suhbatynyń qysqasha úzindisin usynamyz.
«Rýhanı jańǵyrý» baǵdarlamasyn bir jyldyq, bes jyldyq dep kezeńge bólýge bolmaıdy. Bul keshendi túrde turaqty júzege asýy tıis baǵdarlama. Onyń nátıjesi sanmen ólshenbeıdi, sapaly bolýy tıis.
Rýhanı jańǵyrý baǵdarlamasy aıasynda búgingi kúnge deıin 17 joba júzege asyrylyp, onyń ekeýi óz nátıjesin berdi.
Eń bastysy, Baǵdarlamanyń mánin jáne mazmunyn túsiný kerek. Munyń negizi, ár adamnyń básekege qabilettiliginde jatyr. Básekege qabiletti adam básekege qabiletti qoǵamdy quraıdy. Mine, «Rýhanı jańǵyrý» baǵdarlamasynyń negizgi qundylyǵy osynda.
Sondaı-aq, «Rýhanı jańǵyrý»baǵdarlamasy aıasynda Abaı Qunanbaevtyń shyǵarmalary álemniń 10 tiline aýdaryldy.
«Rýhanı jańǵyrý» baǵdarlamasynyń aralyq jetistikteri týraly aıtqanda, munda sandyq kórsetkishterge súıenýdiń qajeti joq. Eń bastysy – bizdiń sana-sezimimizdiń ózgergeni, qoǵamnyń turaqty, sapaly damýy. Munda ár qazaqstannyń úlesi zor.
«Qazaqstannyń 100 jańa esimi» jobasy Qazaqstan Táýelsizdigin nyǵaıtýǵa úlken úlesin qosyp jatqan azamattardy kórsetý. Biz sol jobanyń tórtinshi kezeńine jol ashtyq. О́ziniń eńbegimen, tabandylyǵymen jetistikke jetip, Qazaqstannyń abyroıyn asqaqtatyp júrgen zamandastarymyzdy halyqqa tanytýymyz kerek.
Sonymen qatar, Aıda Ǵalymqyzy ulttyq jobalar tóńireginde de sóz qozǵady.
«Ulttyq joba - ulttyq kodty saqtaý, mádenıetimizdi halyqqa keńinen tanytý, salt-dástúrimizdi dáripteý, nasıhattaý.
Atalmysh joba úsh baǵyttan turady:
memlekettik til saıasaty, mádenı jáne jastardy qoldaý», dedi mınıstr.
