Baǵdarlama barysynda Darhan Qýandyquly táýelsizdik alǵannan bergi túrki dúnıesiniń birligi, qazirgi qarym-qatynasy, qasıetti Túrkistannyń jańasha jańǵyrýy jaıynda áńgime órbitti.
Halyqaralyq Túrki akademııasynyń qurylýyna birden bir sebepker Elbasy ekenin aıta ketken jón. 2009 jyly Elbasynyń bastamasymen Halyqaralyq túrki akademııasy qurylyp, 2010 jyly akademııa elordadaǵy Beıbitshilik jáne kelisim saraıynda ashyldy.
Túrki akademııasy 2014 jyldan bastap halyqaralyq statýs aldy, ol ári akademııalyq qurylym ıaǵnı ǵylymı zertteýlermen aınalysady, ári dıplomatııalyq qurylym.
Odan bólek, akademııa basshysy osy kúnge deıin Túrki akademııasy halyqaralyq, IýNESKO kólemindegi is-sharalar ótkizgenin tilge tıek etti.
«Jalpy Túrki ıntegrasııasyn tórt kezeńge bólip qaraımyn:
Birinshisi, Táýelsizdik alǵannan keıingi gýmanıtarlyq mádenı kezeń.
Ekinshisi, 1998 jyly Astananyń qurylýymen birge ekonomıkalyq baılanys kezeńi.
Úshinshi kezeń bul - 2009 jyly Nahchevanda ótken tarıhı sammıt arqyly Túrki akademııasynyń qurylý kezeńi.
Odan keıingi kezeń 2019-2020 jyldar aralyǵy, osy ýaqyttardyń ishinde Qarabah azat etildi, sonymen qatar Túrkistan jańarý kezeńine ótti, О́zbekstan Túrki akademııasyna qosyldy. Iаǵnı, bul ıntegrasııa halyqaralyq deńgeıge shyqty», dedi Darhan Qydyráli.
