«Memlekettik turǵyn úı saıasaty aıasynda damý áleýeti tómen monoqalalardan qonys aýdarýshylarǵa arnalǵan jeke bólim bolýy tıis», dep atap ótti Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.
Aqordanyń Twitter-de jarııalaǵan málimetine sáıkes, Prezıdent damý áleýeti bar monoqalalarǵa qonys aýdarýshylarǵa jeńildetilgen ıpotekalyq baǵdarlama ázirleý kerektigin aıtty.
«Otbasy» banki ınstrýmentarııinde mundaı azamattarǵa bastapqy jarnasy 10% jáne syıaqy mólsherlemesi 2-den 5%-ǵa deıin bolatyn jeńildetilgen ıpoteka baǵdaramasyn qarastyrýy qajet. Úkimet ákimdiktermen birge bul bastamany jan-jaqty pysyqtaý kerek», dedi Memleket basshysy.
