Mýltıspıraldy kompıýterlik tomografııa – adam denesiniń ishki músheleriniń kúıi týraly tez aqparat alýǵa múmkindik beretin zamanaýı jáne dál dıagnostıkalyq ádis. Ornatylǵan jabdyqtyń artyqshylyǵy – ony paıdalaný kezinde pasıentter men qyzmetkerlerge radıasııalyq júkteme azaıady. Sáıkesinshe zertteý ýaqyty qysqarady jáne apparattyń ótkizý qabileti artady.
«Qazir bizdiń densaýlyq saqtaý salasy medısınalyq kómek kórsetý sapasyn arttyra otyryp, pasıentke baǵdarlanǵan qaǵıdatqa den qoıyp jatyr. Dıagnostıkadan ótý, mamandardyń usynystary men qorytyndylaryn bir jerde alý óte yńǵaıly. Mundaı yńǵaılylyq pasıent úshin de, dárigerler úshin de qarastyrylǵan. Jańa qurylǵy keýde qýysynyń aýrýlaryn erte kezeńde dıagnostıkalaýǵa múmkindik beredi. Onyń ústine qazirgi pandemııa jaǵdaıynda azamattardyń densaýlyǵyn udaıy baqylaý jáne qoldaý mańyzdy», dedi qalalyq qoǵamdyq densaýlyq saqtaý basqarmasynyń basshysy Tımýr Muratov.
Osy oraıda qazan aıynyń basynda №4 qalalyq emhanada angıografııamen kompıýterlik tomografııanyń jańa apparaty ornatylǵanyn da aıta ketken jón. Kardıopaketi bar zamanaýı jabdyq júrek-qantamyr júıesine tolyq dıagnostıka júrgizedi. 2020 jyly osyndaı eki apparat elordalyq medısınalyq uıymdarǵa jetkizildi.
Buryn halyqty dıagnostıkalyq qyzmettermen qamtý úshin flıýorografııalyq tekserý boıynsha 2 sıfrly jyljymaly keshen, 6 rentgen-apparat, 2KT satyp alyndy.
